ელექტროენერგიის გათიშვის გამო, დიდი 10-ის მატჩი რამდენიმე წუთით შეწყდა (VIDEO)

გუშინ და დღეს დიდი 10-ის სამი გამოტოვებული შეხვედრა გაიმართა.

აქედან ორ მატჩში ელექტროენერგიის პრობლემა შეიქმნა. კვირას რუსთავში, სადაც "ხარებმა" "იუნკერებს" უმასპინძლა, მეორე ნახევარში აღნიშნული პრობლემა ორჯერ შეიქმნა. პირველ შემთხვევაში მალევე მოგვარდა, თუმცა მატჩის დასრულებამდე დაახლოებით ათი წუთით ადრე, განათების ნაწილი კიდევ ერთხელ გაითიშა, რის გამოც თამაში დაახლოებით 25 წუთის განმავლობაში შეწყდა, შემდეგ კი განათების ჩართვა ხელოვნურსაფარიან სტადიონზე მოხერხდა და თამაშის ჩასრულება შესაძლებელი გახდა. 

ელექტროენერგია გაითიშა გორშიც, სადაც დღეს "ჯიქი" "აიას" დაუხვდა. შეხვედრის დასაწყისში სტადიონზე ელექტროენერგია დაახლოებით 20 წუთით გაითიშა. იქიდან გამომდინარე, რომ თამაში დღისით მიმდინარეობდა, მატჩი გაგრძელდა, მაგრამ 20 წუთის განმავლობაში პირდაპირი ტრანსლაცია ვერ ხორციელდებოდა.