შოტლანდიის ნაკრებმა ავსტრალიაში დაბადებული ფიჯელი მორაგბე დაიმატა

შოტლანდიის ნაკრების მთავარმა მწვრთნელმა გრეგორ თაუნსენდმა ავსტრალიაში დაბადებული ფიჯელი მორაგბე რატუ ტაგივი გამოიძახა.

29 წლის გარემარბი "გლაზგო უორიორსის" ღირსებას 2016 წლიდან იცავს და მან "ნარშავებში" თამაშის უფლება შოტლანდიაში სამწლიანი ცხოვრების შემდეგ მოიპოვა. ტაგივის გლაზგოური კლუბის რიგებში 16-ჯერ უთამაშია და 4 ლელოს გატანა მოახერხა. 

შეგახსენებთ, რომ შოტლანდიის ნაკრები 31 ოქტომბერს 6 ერის ბოლო ტურის მატჩში გასვლაზე უელსს დაუპირისპირდება და შესაძლოა, ტაგივის დებიუტი ამ მატჩში შედგეს.