ორიაკი - ბიარიცის მატჩი გადაიდო

დღეს ცნობილი გახდა, რომ ფრანგული პრო დ2-ის მე-8 ტურის შეხვედრა, რომელიც "ორიაკს" და "ბიარიცს" შორის პარასკევს უნდა გამართულიყო გადაიდო.

ნაციონალური რაგბის ლიგის განცხადებით, მიზეზი სტუმართა რიგებში კორონავირუსის რამდენიმე შემთხვევის დაფიქსირებაა. შედეგად მიმდინარე სეზონში "ბიარიცის" თამაში უკვე მესამედ გადაიდო. აქამდე მათ "კოლომიესთან" და "ოიონასთან" მატჩებში შეუშალა ხელი კორონავირუსმა. 

ზემოაღნიშნული შეხვედრა 13 ნოემბერს საქართველოს დროით 22:00 საათზე ჩატარდება.

შეგახსენებთ, რომ 2020/2021 წლების სეზონში "ორიაკში" 11 ქართველი მორაგბე ირიცხება, ხოლო "ბიარიცში" 5 ჩვენებური ირჯება.