ექსეტერი და უოსპსი პრემიერშიპის ფინალისთვის დაირაზმნენ

შაბათს 21:00 საათზე ინგლისის პრემიერშიპის ფინალურ შეხვედრაში ერთმანეთს "ექსეტერ ჩიფსი" და "უოსპსი" დაუპირისპირდებიან.

ექსეტერელები თამაშს შესანიშნავ განწყობაზე ხვდებიან, გასულ შაბათს მათ კლუბის ისტორიაში პირველად მოახერხეს ჩემპიონთა თასის მოგება და ხვალინდელ შეხვედრაში შანსი ექნებათ ტიტულების დუბლი შეასრულონ. შემადგენლობის თვალსაზრისით წინა კვირასთან შედარებით 4 ცვლილებაა, მეორე ხაზში ჯონი გრეის ნაცვლად სემ სკინერი ითამასებს, მესამე ხაზში ჟალ ვერმიულენს იანის კირსტენი ჩაანაცვლებს. რაც შეეხება უკანა ხაზს ტომ ო'ფლაერთის ნაცვლად სასტარტო თხუთმეტეულში ოლი ვუდბურნი იქნება გამწესებული, ვეტერანი იან ვაითენი კი ოლი დევოტომ შეცვალა. 

ფინალს განსხვავებულ მდგომარეობაში ხვდება ზურაბ ჟვანიას "უოსპსი", პრემიერშიპის განახლების შემდეგ ლი ბლეკეტის გუნდი ბრწყინვალედ ასპარეზობს და ფინალამდე გზა ერთი ამოსუნთქვით გაიარა, თუმცა შემადგენლობაში კორონავირუსის გავრცელების გამო იყო შანსი, რომ "ბზიკები" ფინალიდან მოეხსნათ და მათ ნაცვლად "ბრისტოლს" ეთამაშა. საბოლოო ტესტირებამ მათთვის სახარბიელო შედეგები აჩვენა და ხვალ "უოსპსი" ფინალურ მატჩს გამართავს. ვირუსის გამო გუნდს საერთო ჯამში 11 მორაგბე გამოაკლდა, ლი ბლეკეტის განცხადებით კი მათ შორის 4 ისეთი მოთამასეა, რომელიც 23 კაციან განაცხადში რეგულარულად ხვდება. "უოსპსისთვი" დიდი დანაკლისი იქნება მალაკაი ფეკიტოას, კირან ბრუკსის და ბრედ შილდსის არყოფნა, კვლავ არ ჩანს ზურაბ ჟვანია. თუმცა ძირითად შემადგენლობაშია ბრწყინვალე ფორმაში მყოფი ჯეკ ვილისი, რომლის კარგად თამაშზეც "უოსპსისთვის" ხვალ ბევრი რამ იქნება დამოკიდებული. 

ექსეტერ ჩიფსი

15. სტუარტ ჰოგი, 14. ჯეკ ნოუელი, 13. ჰენრი სლეიდი, 12. ოლი დევოტო, 11. ოლი ვუდბურნი, 10. ჯო საიმონდსი (კაპ), 9. ჯეკ მოანდა, 8. სემ საიმონდსი, 7. იანის კირსტენი, 6. დეივ იუერსი, 5. ჯონი ჰილი, 4. სემ სკინერი, 3. ჰარი უილიამსი, 2. ლუკ ქოვან-დიქი, 1. ალექ ჰეპბერნი

მარქაფა

16. ჯეკ იენდელი, 17. ბენ მუნი, 18. ტომას ფრანცისი, 19. ჯონი გრეი, 20. ჟაკ ვერმიულენი, 21. სემ იდალგო-კლაინი, 22. გარეთ სტიინსონი, 23. იან ვაითენი.

უოსპსი

15. მატეო მინოძი, 14. ზაკ კიბირიგი, 13. ჟუან დე იონგი, 12. ჯიმი გოპერთი, 11. ჯოშ ბასეტი, 10. ჯეიკობ უმაგა, 9. დენ რობსონი, 8. ტომ ვილისი, 7. ტომას იანგი, 6. ჯეკ ვილისი, 5. ვილ როვლენდსი, 4. ჯო ლონჩბრი (კაპ), 3. ჯეფ ტუმაგა-ალენი, 2. ტომი ტეილორი, 1. ტომ ვესტი, 

მარქაფა

16. გაბრიელ ლგრე, 17. ბენ ჰარის, 18. ბიი ალო, 19. ჯეიმს გასკელი, 20. ბენ მორისი, 21. ბენ ველაკოტი, 22. ლიმა სოპოაგა, 23. მიქაელ ლე ბორგუა.