თაუნსენდი: "საქართველოს მწვრთნელთა ახალი ჯგუფი ჰყავს, რომლებსაც სურთ დაატყონ საკუთარი ხელწერა"

შოტლანდიის ნაკრების მთავარმა მწვრთნელმა გრეგორ თაუნსენდმა საქართველოსთან მატჩისთვის შემადგენლობის დასახელების შემდეგ კომენტარი გააკეთა და აღნიშნა, რომ მისი აზრით, პარასკევს "მარიფილდზე" უძლიერესი შემადგენლობით ითამაშებენ.

"შესანიშნავია, რომ მორაგბეები, სანაკრებო შეკრებას დაუბრუნდნენ. ჩვენთვის მწვრთნელებისთვის ნამდვილად სასიამოვნოა, რომ იძულებითი შესვენების შემდეგ, რომელიც Covid 19-მა გამოიწვია, კვლავ მათთან ერთად გვიწევს მუშაობა.

შემოდგომის სერიებს საქართველოსთან მატჩით ვიწყებთ. ეს ტესტი გვაძლევს ნამდვილ შესაძლებლობას, რომ ვნახოთ სად არიან ამჟამად ჩვენი მორაგბეები, როგორ ფორმაში იმყოფებიან, როგორ კონდიციებში. 

ეს არის პროფესიონალიზმის და შრომისმოყვარეობის დასტური, რომელიც ფრეიზერ ბრაუნმა ბოლო წლებში შოტლანდიის ნაკრებისთვის გაიღო. ის საქართველოსთან მატჩისთვის კაპიტნად ავირჩიეთ, ხოლო ვიცე-კაპიტნები ჯეიმი რიტჩი და ალი პრაისი იქნებიან, რომლებიც ბოლო რამდენიმე სეზონების განმავლობაში ლიდერებად იქცნენ.

საქართველოს ნაკრებს ჰყავს მწვრთნელთა ახალი ჯგუფი, რომლებსაც სურთ, რომ საკუთარი ხელწერა დაატყონ ამ მატჩებისას. ასე რომ, ჩვენ შევარჩიეთ რაც შეიძლება ძლიერი გუნდი ფიზიკურად ძალიან ძლიერი და მოტივირებული მეტოქის წინააღმდეგ", - განაცხადა 47 წლის სპეციალისტმა.

შეგახსენებთ, რომ შოტლანდიის და საქართველოს ნაკრებების ტესტ-მატჩი 23 ოქტომბერს, თბილისის დროით 22:30 საათზე "მარიფილდზე" გაიმართება.