ოფიციალურად: იაპონია სანაკრებო რაგბიში სუპერ ტესტ-მატჩით დაბრუნდება

იაპონიის ნაკრები ხანგრძლივი პაუზის შემდეგ, სუპერ ტესტ-მატჩით დაბრუნდება. 

როგორც იცით, პანდემიის გამო "საკურებს" 2020 წელს საერთოდ არ უთამაშიათ და იმავე მიზეზის გამო, უარი თქვეს შემოდგომის ერთა თასზე თამაში, რის შემდეგაც ისინი საქართველოს ნაკრებმა ჩაანაცვლა.

დღეს ცნობილი გახდა, რომ იაპონიის ნაკრები პანდემიის შემდეგ პირველ შეხვედრას 2021 წლის 26 ივნისს გამართავს და მათი მეტოქე ბრიტანელი და ირლანდიელი ლომები იქნებიან. "მამაცი ალუბლები" არსებობის განმავლობაში "ლომებს" პირველად შეერკინებიან. მატჩი ედინბურგში, "მარიფილდზე" გაიმართება და "ლომებისთვის" სამხრეთაფრიკულ ტურნემდე გასახურებელი ტესტ-მატჩი იქნება.

როგორც მოგეხსენებათ, ბრიტანელი და ირლანდიელი ლომები ოთხ წელიწადში ერთხელ რიგრიგობით მართავენ ტურნეებს ახალ ზელანდიაში, სამხრეთ აფრიკაში და ავსტრალიაში. 2021 წლის ტურნე კი სწორედ აფრიკაში უწევთ. უკანასკნელად ლომებმა ტურნეებს მიღმა 2013 წელს "ბარბაროსების" წინააღმდეგ ითამაშეს, ხოლო იქამდე 2005 წელს არგენტინას ეთამაშნენ.