ოფიციალურად: უოსპსი პრემიერშიპის ფინალში ითამაშებს

გასული დღეების განმავლობაში აქტიურად იწერებოდა პრემიერშიპის ფინალისტ "უოსპსში" კორონავირუსის შემთხვევების მომრავლების შესახებ, რის გამოც იყო დიდი შანსი, რომ მათ ნაცვლად ფინალში "ბრისტოლს" ეთამაშა.

ამასთან დაკავშირებით საბოლოო გადაწყვეტილება დღეს უნდა მიეღოთ და ცოტა ხნის წინ პერმიერშიპის საიტის მიერ გავრცელებული ინფორმაციით, "უოსპსი" ფინალში ითამაშებს და კორონავირუსის ბოლო ტესტირებამ ახალი შემთხვევები აღარ გამოავლინა. 

შედეგად ფინალური მატჩი "ექსეტერ ჩიფსს" და "უოსპსს" შორის შაბათს "თვიქნემზე" გაიმართება და  ეს იქნება 2017 წლის ფინალის გამეორება, მაშინ "ექსეტერმა" მეტოქე დამატებით დროში 23:20 დაამარცხა.