"ბლუზის" ფრთა ქალებ კლარკი კვირას ავსტრალიასთან მატჩში პირველად იყო "ოლ ბლექსის" ძირითად შემადგენლობაში, სულ კი მეორე კეპი მოიხვეჭა. 

კლარკმა იან ფოსტერის ნდობა 100%-ით გაამართლა და 67 წუთის განმავლობაში ბრწინვალედ ითამაშა, შემდეგ კი მცირე ტრავმა მიიღო და მოედანი დატოვა. გულშემატკივრები 21 წლის მორაგბის თამაშით აღფრთოვანებულები დარჩნენ და წერენ, რომ მისი სახით მალე ახალი ვარსკვლავი ეყოლებათ. კლარკის თამაშს განსაკუთრებული ყურადღება მიაპყრო Sky Sport-მა, რომელმაც რუბრიკა Sky Player Cam ამჯერად სწორედ მას მიუძღვნა და მისი თითოეული მომენტი დააფიქსირა. 

შეგახსენებთ, რომ ბლედისლოუს თასის მეორე მატჩში ახალმა ზელანდიამ ავსტრალია 27:7 დაამარცხა.