ურუგვაიმ ბრაზილია დაძაბულ ბრძოლაში დაამარცხა (VIDEO)

2020 წლის სამხრეთ ამერიკის 4 ერის პირველ ტურში ურუგვაის ნაკრებმა ბრაზილიას დაძაბულ ბრძოლაში სძლია. 

ბოლო წლებში ბრაზილიის ნაკრები აშკარა პროგრესს განიცდის და ეს "ტუპისმა" ამ მატჩშიც დაამტკიცა. მათ მსოფლიო თასის მონაწილეს და ფიჯის მომგებ ურუგვაის ნაკრებს დიდი წინააღმდეგობა გაუწიეს, ტაიმი მოუგეს და მხოლოდ მატჩის ბოლოს გაუშვეს ლელო. 

ბრაზილიამ ტაიმი 12:9 მოიგო. მათ ოთხი ჯარიმა შეასრულეს ზუსტად, ხოლო ურუგვაელებმა სამი. მეორე ნახევრის საწყის 20 წუთში "ლოს ტეროსმა" სამი ჯარიმა გაიტანა, რასაც სტუმრებმა ლელოთი უპასუხეს და მატჩის დასრულებამდე 10 წუთით ადრე ანგარიში ურუგვაის სასარგებლოდ 18:17 გახლდათ. 71-ე წუთზე კი ურუგვაიმ ლელოში მოლიდან შეიტანა ბურთი და საბოლოო ჯამში 25:17 იმარჯვა.