უოსპსს პრემიერშიპის ფინალიდან მოხსნა ემუქრება

გასულ კვირაში გავრცელდა ინფორმაცია, რომ ზურაბ ჟვანიას "უოსპსში" კორონავირუსია გავრცელებული და თუ დროულად ვერ მოხერხდა ეპიდემიური სიტუაციის გამოსწორება, შესაძლოა "უოსპსის" ნაცვლად ინგლისის პრემიერშიპის ფინალში "ბრისტოლმა" იასპარეზოს. 

ინგლისურმა კლუბმა დღეს ახალი განცხადება გაავრცელა, სადაც ნათქვამია, რომ შაბათს ჩატარებული ტესტირების შედეგად გუნდში 4 ახალი შემთხვევა გამოვლინდა, რის გამოც ისინი თავიანთ კონტაქტებთან ერთად თვითიზოლაციაში იმყოფებიან. 

ინგლისის რაგბის კავშირთან და სამედიცინო განყოფილებასთან შეთანხმების შესაბამისად "უოსპსში" ამ ეტაპზე ვარჯიში შეჩერებულია, ხოლო საბოლოო გადაწყვეტილება იმის შესახებ ითამაშებს თუ არა "უოსპსი" პრემიერშიპის ფინალში ოთხშაბათს გახდება ცნობილი.

შექმნილი ვითარებიდან გამომდინარე ნახევარფინალში სწორედ "უოსპსთან" დამარცხებული "ბრისტოლი" უკვე მზადყოფნაშია, რომ "ექსეტერის" წინააღმდეგ ფინალში მათ ითამაშონ.