ჯიქმა ბოლო 15 წუთში 17-ქულიანი ჩამორჩენა აღმოფხვრა და დიდ 10-ში პირველი ფრე დააფიქსირა (VIDEO)

© არჩილ გეგენავა

დიდი 10-ის მეორე ტურის დასკვნით მატჩში ქუთაისის "არესი" შინ გორის "ჯიქს" დაუხვდა და გამარჯვება გაწითლებული დროის მეოთხე წუთზე გაუშვა ხელიდან. 

მასპინძლები ძალიან ახლოს იყვნენ გამარჯვებასთან. ტაიმი ბონდო აბაშიძის ორი ჯარიმით 6:0 მოიგეს, მეორე ტაიმის საწყის მონაკვეთში კი ზურაბ ერისთავის და გიორგი ტორაძის ლელოებით სოლიდური უპიარატესობა მოიპოვეს - მატჩის დასრულებამდე 15 წუთით ადრე 17-ქულიანი სხვაობით იგებდნენ. ყველაფერი იმით დაიწყო, რომ 62-ე წუთზე "არესს" რევაზ არჩვაძე გაუსინბინეს, რიცხობრივი უპირატესობა "ჯიქმა" მალევე გამოიყენა და გიორგი ჭურაძემ ლელო დადო,  რომელიც საბა ნიკოლავამ გარდასახა. 76-ე წუთზე ნიკოლავამ ჯარიმა გაიტანა და სხვაობა შვიდ ქულამდე შეამცირა, ხოლო გაწითლებულ დროში, როდესაც მასპინძლები გიგა კობახიძის გასინბინების გამო კვლავ 14 კაცით იყვნენ, ირაკლი პურიჭამიაშვილმა 84-ე წუთზე ბურთი ლელოში შეიტანა, ნიკოლავამ კი  რთული გარდასახვა ზუსტად შეასრულა - 20:20. მატჩის საუკეთესო მორაგბედ "ჯიქის" რვა ნომერი გიორგი ჭურაძე დასახელდა. 

ამრიგად, დიდი 10-ის დებიუტანტმა მეორე მოგების შესანიშნავი შანსი გაანიაავა, ხოლო "ჯიქმა" პირველი ქულები მოიპოვა.