ჩესლინ კოლბიმ ბრივი დაალელოვა, ტრავმა მიიღო და მოედნის დატოვება მოუწია (VIDEO)

ტოპ 14-ის მეხუთე ტურში მოქმედი ჩემპიონი "ტულუზი" გასვლაზე "ბრივს" დაუპირისპირდა და დამაჯერებლად 36:16 იმარჯვა.

ანგარიში ტულუზელთა სამხრეთაფრიკელმა ვარსკვლავმა ჩესლინ კოლბიმ გახსნა, რომელმაც მე-6 წუთზე მეტოქე კიდესთან დაალელოვა, რა დროსაც "ბრივის" მორაგბის ფეხი ნეკნში მოხვდა და ტრავმა მიიღო. კოლბის სამედიცინო დახმარება გაუწიეს და თავდაპირველად მინდორზე დაბრუნება მოახერხა, მაგრამ დაზიანება სერიოზული გამოდგა და მე-18 წუთისთვის მოედნის დატოვება მოუწია. ჯერჯერობით უცნობია თუ რა სიმძიმისაა დაზიანება და რამდენ ხანს ვერ შეძლებს ვარჯიშს.