ბათუმი - არმაზი 23:22 (მატჩის ვიდეომიმოხილვა)

დიდი 10-ის მეორე ტურის მატჩში "ბათუმი" აჭარაში არსებული ეპიდემიოლოგიური ვითარების გამო "არმაზს" ფოთში დაუხვდა და დრამატულ ბრძოლაში მინიმალური სხვაობით 23:22 სძლია. 

მასპინძლებმა მეტოქეს ორი ლელო დაუდეს, პირველ შემთხვევაში შერკინების შესანიშნავი თამაშის შედეგად საჯარიმო ლელო გამოიმუშავეს, ხოლო მეორე ლელოს დადება პირველი ტაიმის ბოლო წუთზე დათო ტრაპაიძემ მოახერხა. "არმაზიდან" მშვენიერი ინდივიდუალური ლელო მიითვალა ლუკა მატკავამ, დანარჩენი ქულები 78-ე წუთამდე ჯარიმებით გავიდა. მატჩის დასრულებამდე 2 წუთით ადრე "არმაზი" ორი ქულით იგებდა, მაგრამ მამუკა ნინიძემ ახლო მანძილიდან არეკნი გაიტანა და თავის გუნდს მინიმალური გამარჯვება მოუპოვა.