ოფიციალურად: 2020 წლის სანაკრებო მატჩები მსოფლიო ჩემპიონის გარეშე ჩაივლის

რამდენიმე წუთის წინ "სანზაარმა" ოფიციალურად დაადასტურა, რომ წლევანდელ რაგბი ჩემპიონშიპში მოქმედი მსოფლიო ჩემპიონი სამხრეთ აფრიკა ვერ ითამაშებს. შესაბამისად, 2020 წლის სანაკრებო მატჩები ისე ჩაივლის, რომ "სპრინგბოკსს" მინდორზე საერთოდ ვერ ვიხილავთ.

იმის შესახებ, რომ აფრიკელები წლევანდელ 4 ერში ვერ ითამაშებდნენ, ბოლო პერიოდში აქტიურად იწერებოდა, დღეს კი ოფიციალურად დადასტურდა, რომ კორონავირუსთან დაკავშირებული რამდენიმე მიზეზის გამო (სამგზავრო შეზღუდვები, მოთამაშეთა კეთილდღეობა და უსაფრთხოება) მსოფლიოს სამგზის ჩემპიონი ავსტრალიაში ვერ გაემგზავრება.

აქედან გამომდინარე, ეს ტურნირი დროებით თავდაპირველი 3 ერის ფორმატს დაუბრუნდება, როგორითაც 2012 წლამდე არგენტინის დამატებამდე ტარდებოდა. 

გუნდებს ჯამში ოთხ-ოთხი მატჩის ჩატარება მოუწევთ. ისინი ორ-ორ შეხვედრას გამართავენ სიდნეიში, ბრიზბენში და ნიუკასლში.

2020 წლის 3 ერის კალენდარი ასე გამოიყურება:

31 ოქტომბერი: ავსტრალია v ახალი ზელანდია (ANZ სთედიუმი, სიდნეი)
7 ნოემბერი: ავსტრალია v ახალი ზელანდია (სანკორპ სთედიუმი, ბრიზბენი)
14 ნოემბერი: ახალი ზელანდია v არგენტინა (ბანკვესთ სთედიუმი, სიდნეი)
21 ნოემბერი: არგენტინა v ავსტრალია (მაკდონალდ ჯონს სთედიუმი, ნიუკასლი)
28 ნოემბერი: არგენტინა v ახალი ზელანდია (მაკდონალდ ჯონს სთედიუმი, ნიუკასლი)
5 დეკემბერი: ავსტრალია v არგენტინა (ბანკვესთ სთედიუმი, სიდნეი)