კრასნი იარის რიგებიდან რუსეთის თასის მოგებისთვის სამი ქართველი იბრძოლებს

16 ოქტომბერს რუსეთის თასის ფინალი გაიმართება, რომელშიც ერთმანეთს ორი კრასნოიარსკული კლუბი "ენისეი" და "კრასნი იარი" დაუპირისპირდებიან.

ცნობილია ორივე გუნდის შემადგენლობა. "ენისეის" შესახებ უკვე გაუწყეთ, ახლა კი "კრასნი იარზე" გეტყვით, რომლის ძირითად შემადგენლობაში სამი ქართველი მორაგბე იქნება: კვაჭი რობერტ სუთიძე, რვა ნომერი ნიკო აფციაური და "ბორჯღალოსანი" შუამარბი გიორგი ფრუიძე. 

ცნობისთვისთვის, სუთიძეს ძალიან კარგი სეზონი ჰქონდა და გამოკითხვაში, რომელშიც 2020 წლის რუსეთის რეგულარული ჩემპიონატის საუკეთესო მორაგბეს ასახელებდნენ, მესამე ადგილი დაიკავა.

"ენისეი" - "კრასნი იარის" ფინალური დაპირისპირება 16 ოქტომბერს თბილისის დროით 17 საათზე დაიწყება. მატჩი მოსკოვის "დინამოს" საფეხბურთო სტადიონზე "ვითიბი არენაზე" გაიმართება, რომელიც 26319 გულშემატკივარს იტევს.