მიხეილ გაჩეჩილაძემ ტრავმა მოიშუშა და ენისეის ფინალში დაეხმარება

საქართველოს ნაკრების მესამეხაზელმა მიხეილ გაჩეჩილაძემ ტრავმა მოიშუშა და "ენისეის" რუსეთის თასის ფინალში დაეხმარება, რომელშიც 16 ოქტომბერს კრასნოიარსკულ დერბიში "კრასნი იარს" შეერკინება.

გაჩეჩილაძე "ენისეის" ძირითად შემადგენლობაში მარბიელის პოზიციაზე იმყოფება. მან ტრავმა აგვისტოს ბოლოს, რუსეთის რეგულარული ჩემპიონატის ბოლო ტურში მიიღო. კრასნოიარსკელთა მეორე ქართველი, ფრთა დავით მესხი კვლავ ტრავმირებულია.

"ენისეი" - "კრასნი იარის" ფინალური დაპირისპირება 16 ოქტომბერს თბილისის დროით 17 საათზე დაიწყება. მატჩი მოსკოვის "დინამოს" საფეხბურთო სტადიონზე "ვითიბი არენაზე" გაიმართება, რომელიც 26319 გულშემატკივარს იტევს.