დიდი 10-ის ორი შეხვედრა კორონავირუსის შემთხვევების გამო გადაიდო

დიდი 10-ის მეორე ტურის ორი შეხვედრა კორონავირუსის შემთხვევების დაფიქსირების გამო გადაიდო. 

საქმე ეხება "ხარები" -"იუნკერების" და "ლელო" - "ლოკომოტივის"მატჩს. ორივე შეხვედრა საქართველოს რაგბის კავშირის ოფიციალურ საიტზე გადადებულად არის გამოცხადებული. ერთ-ერთი ინფორმაციით, "იუნკერების" ორ მორაგბეს კორონავირუსი აღმოაჩნდა და ამის გამო მთელი გუნდი იზოლაციაში გადავიდა. 

კორონავირუსი დაფიქსირდა აგრეთვე თბილისის "ლოკომოტივის" ბანაკშიც და შესაბამისად"ლელოსთან" კვირას გასამართი თამაში გადადებულად გამოცხადდა. ჯერჯერობით უცნობია თუ როდისთვის შედგება ეს შეხვედრები.

ამგვარად,მიმდინარე კვირის ბოლოს ოთხი შეხვედრა გაიმართება. პარასკევს "ბათუმი" ფოთში "არმაზს" უმასპინძლებს. შაბათს "ვეფხვები" ისევ თელავში ითამაშებენ და ამჯერად "აკადემიას"უმასპინძლებენ, დღის მეირე თამაშში "აია" "ყოჩებს" დაუხვდება. კვირას კი დებიუტანტი "არესი" შინ "ჯიქს" შეერკინება.