მიხეილ ალანია საქართველოს ნაკრებში გამოიძახეს

გასულ უქმეებზე ფრანგული პრო დ2-ის მეოთხე ტურში "ორიაკი" გასვლაზე "მონტობანს" დაუპირისპირდა და 20:11 იმარჯვა.

"ორიაკის" რიგებში შესანიშნავი დებიუტი გამოუვიდა საქართველოს 20-წლამდელთა ნაკრების ცხრა ნომერს მიხეილ ალანიას, რომელიც მინდორზე 52-ე წუთზე გამოჩნდა და 77-ე წუთზე საკუთარი გუნდის მიერ 22-მეტრიანიდან წამოწყებული იერიში ჩინებული ლელოთი დააგვირგვინა. აღნიშნული ლელო ამჟამად ტურის საუკეთესოს წოდების მოსაპოვებლად გამოკითხვაშიც მონაწილეობს.

როგორც იცით, საქართველოს ნაკრების მთავარ მწვრთნელ ლევან მაისაშვილს შემოდგომის ერთა თასისთვის მოსამზადებელ ეტაპზე გაფართოებული შემადგენლობა ჯერ არ დაუსახელებია, თუმცა ჩვენი ინფორმაციით მიხეილ ალანია ეროვნულ ნაკრებშია გამოძახებული და ნოემბერ-დეკემბერში დაგეგმილი ტურნირისთვის ის "ბორჯღალოსნებთან" ერთად მოემზადება.