ინგლისის 20წლამდელთა ნაკრების ყოფილი ვარსკვლავი კარიერას ტოპ 14ში განაგრძობს

ინგლისის 20-წლამდელთა ნაკრების ყოფილი ვარსკვლავი გაბრიელ იბიტოიე, კარიერას ფრანგულ ტოპ 14-ში განაგრძობს.

22 წლის გარემარბმა გიორგი თეთრაშვილის "აჟენთან" ორწლიანი ხელშეკრულება გააფორმა.

იბიტოიემ 20-წლამდელთა ორ მსოფლიო ჩემპიონატზე ითამაშა. მათ შორის, 2017 წელს საქართველოში გამართულ ტურნირზე, სადაც მან ბრწინვალე შთაბეჭდილება დატოვა, შეჯიბრების ერთ-ერთი გამორჩეული მორაგბე გახლდათ და 5 მატჩში 5 ლელოს გატანა მოახერხა.

მან 2017 წლიდან მოყოლებული "ჰარლექუინსის" რიგებში 40 შეხვედრა ჩაატარა და 14 ლელო დადო.