ნიუ იორკმა ახალი ზელანდიის 7კაცა ნაკრების ყოფილი წევრი დაიმატა

ახალზელანდიელი შუამარბი ფა'ასიუ ფუატაის კარიერას ამერიკის შეერთებული შტატების ჩემპიონატში განაგრძობს. 26 წლის მორაგბე "ნიუ იორკ სიტიში" ითამაშებს, რაც კლუბის ოფიციალურმა ვებგვერდმა დაადასტურა.

ფუატაი 2013-2017 წლებში "ოტაგოში" თამაშობდა, შემდეგ კი "ბორდოს" მიაშურა, საფრანგეთში ერთი სეზონი გაატარა და 17 მატჩში 4 ლელო დადო. ამის შემდეგ კი, სამშობლოში დაბრუნდა და "პლენტის ყურეში" ჩაირიცხა. მას უთამაშა ახალი ზელანდიის 20-წლამდელთა ნაკრებში და ასევე 7-კაცა ნაკრებში - 2017 წლის პარიზის და ლონდონის მსოფლიო რაგბის სერიებში.

ცნობისთვის, "ნიუ იორკ სიტიში" 2020 წლის სეზონში საფრანგეთის ნაკრების ყოფილი მორაგბე მატიო ბასტარო თამაშობდა.