კარკასონმა საქართველოს 20წლამდელთა ნაკრების ორი მორაგბე დაიმატა

ფრანგული გამოცემა Rugby-transferts-ი იუწყება, რომ "კარკასონმა" მომდევნო სეზონისთვის 15 მორაგბე დაიმატა, ხოლო 12 გაუშვა.

ჩვენთვის საინტერესო კი ის გახლავთ, რომ პრო დ2-ის ბინადარმა ორი თინეიჯერი ქართველი მორაგბე დაიმატა: "არმიის" 18 წლის კვაჭი ნუგზარ სომხიშვილი და "არმაზის" 19 წლის ბურჯი ნიკოლოზ ნარმანია.

ცნობისთვის, ორივე მოთამაშე საქართველოს 20-წლამდელთა ნაკრების წლევანდელ გაფართოებულ შემადგენლობაში იმყოფებოდა და რამდენიმე შეკრებაც გაიარეს, რომლის მიზანიც მსოფლიოს 20-წლამდელთა ჩემპიონატისთვის მომზადება გახლდათ, თუმცა როგორც იცით, პანდემიის გამო, იტალიაში გასამართი ტურნირი გაუქმდა.

შეგახსენებთ, რომ "კარკასონი" წლევანდელ, კორონავირუსის გამო ჩაშლილ პრო დ2-ში, 23 ტურის შემდეგ 49 ქულით მე-11 ადგილზე იმყოფებოდა.