ფრანგული პრესა 2020 წლის მსოფლიოს 20წლამდელთა ჩემპიონატი გაუქმდება

ფრანგული გამოცემა lexvdedepart.com წერს, რომ 2020 წლის მსოფლიოს 20-წლამდელთა ჩემპიონატის გაუქმდება გადაწყვეტილი ამბავია.

ზემოხსენებული ტურნირი იტალიაში 28 ივნისს უნდა დაწყებული და 18 ივლისს უნდა დასრულებულიყო, თუმცა კორონავირუსის გამო, ეს აღარ მოხდება და როგორც იწერება, "მსოფლიო რაგბი" ამ ცნობას სულ მალე ოფიციალურად დაადასტურებს.

იტალია ამ მომენტისთვის კორონავირუსის მთავარი კერაა: დაავადდა 35713 ადამიანი, რომელთაგან გარდაიცვალა 2978 და გამოჯანმრთელდა 4025. უკანასკნელი 24 საათის განმავლობაში, იტალიაში ინფექციის 4207 ახალი შემთხვევა დადასტურდა და 475 ლეტალური შემთხვევა დაფიქსირდა.

lexvdedepart.com იუწყება, რომ 20-წლამდელთა მსოფლიოს ჩაშლის შესახებ, საფრანგეთის რაგბის კავშირის პრეზიდენტმა ბერნარდ ლაპორტმა დაადასტურა. მისივე თქმით, საეჭვოა, საფრანგეთის ეროვნული ნაკრების არგენტინული ტურნეს ჩატარება, რომელიც "ლე ბლეს" 4 და 11 ივლისს აქვს ჩანიშნული. იმ შემთხვევაში, თუ ტოპ 14-ის წლევანდელი სეზონი განახლდება, ბუნებრივია, რომ მისი დასრულება გაიწელება ივლისამდე ვერ მოხერხდება, რაც ამ ტურნეს დიდ პრობლემას შეუქმნის.

"ჯერჯერობით ოფიციალურად არაფერია გადაწყვეტილი და "მსოფლიო რაგბისთან" ამ საკითხს განვიხილავთ, თუმცა არ ვიცი, როგორ შევძლებთ წასვლას არგენტინაში ივნისის ბოლოს ან ივლისის დასაწყისში. ვნახოთ როგორ განვითარდება მოვლენები, ოპტიმისტურად განწყობილი არ ვარ", - განაცხადა ლაპორტმა.

შეგახსენებთ, რომ საქართველოს ნაკრებს ჯგუფურ ეტაპზე ავსტრალიის, უელსის და ახალი ზელანდიის წინააღმდეგ უნდა ეთამაშა.