საქართველოს 20წლამდელთა ნაკრები საფრანგეთთან მეორე მატჩშიც დამარცხდა

საქართველოს 20-წლამდელთა ნაკრები საფრანგეთის განვითარებად 20-წლამდელთა ნაკრებთან მეორე მატჩშიც დამარცხდა.

ამჯერად, მასპინძლებმა მხოლოდ ერთი ლელო დაგვიდეს და სამი ჯარიმა გაგვიტანეს. საპასუხოდ, უმცროსმა ბორჯღალოსნებმა ქულების მოპოვება ვერ მოახერხეს. "ლე ბლემ" პირველ ტაიმში ლელო დაგვიდო, რომელიც ვერ გარდასახეს და შესვენებაზე ხუთქულიანი უპირატესობით გავიდნენ წინ, ხოლო მეორე ნახევარში სამი ჯარიმა შეასრულეს ზუსტად და 14:0 იმარჯვეს.

შეგახსენებთ, რომ ილია მაისურაძის, ლადო კილასონიას და ზურაბ ამონაშვილის გუნდი იტალიაში გასამართი 2020 წლის მსოფლიოს 20-წლამდელთა ჩემპიონატისთვის ემზადება, რომელიც 28 ივნისს დაიწყება და 18 ივლისს დასრულდება. ჯგუფურ ეტაპზე საქართველოს ნაკრების მეტოქეები ახალი ზელანდია, ავსტრალია და უელსი იქნებიან.