ოფიციალურად საქართველოს მსოფლიოს 20წლამდელთა ჩემპიონატზე მეტოქეები შეუცვალეს

საქართველოს 20-წლამდელთა ნაკრებმა, არგენტინაში გასულ მსოფლიო ჩემპიონატზე მე-10 ადგილი დაიკავა და წესით, 2020 წელს ჯგუფში იტალიასთან, არგენტინასთან და სამხრეთ აფრიკასთან ერთად უნდა ყოფილიყო, თუმცა მალევე გაჩნდა ინფორმაცია, რომ "მსოფლიო რაგბიმ" ჯგუფების განაწილების პრინციპი შეცვალა და ბევრად რთულ ჯგუფში მოგვიწევდა ყოფნა.

ეს ინფორმაცია ახლახანს დადასტურდა. საქართველოს 20-წლამდელთა ნაკრები B ჯგუფში ითამაშებს და მისი მეტოქეები ახალი ზელანდია, ავსტრალია და უელსი იქნებიან.

ტურნირი იტალიაში 28 ივნისს დაიწყება და 18 ივლისამდე გაგრძელდება, ხოლო მასპინძელი ქალაქები კალვიზანო, ვერონა, ვიადანა და პარმა იქნებიან.