ედი ჯოუნსიაუცილებელი არ არის ფანტასტიური სტარტი გვქონდეს

ინგლისმა დღეს ტონგა 35:3 დაამარცხა. მატჩის შემდეგ კომენტარი გააკეთა ინგლისის მთავარმა მწვრთნელმა.

ედი ჯოუნსი მატჩის შემდეგ, კმაყოფილი იყო თავისი გუნდის მოთმინების და ბონუს ქულით გამარჯვების გამო.

"მოხარული ვარ, რომ ბონუს ქულით გავიმარჯვეთ, გუნდს მოვუწოდე, რომ მოთმინებით ყოფილიყვნენ და დღევანდელ მატჩში ყველაზე მეტად სწორედ მოთმინება მომეწონა. მთელი თამაში ვაგრძელებდით მეტოქეზე წნეხს, რამაც შედეგი ბოლოში გამოიღო, ეს კი იმის ნიშანია, რომ კარგი გუნდი გვყავს.

ერთადერთი რამ, რაზეც ახლა ვფიქრობთმ, ამერიკის შეერთებულ შტატებთან თამაშია. აქამდე რამდენიმე მსოფლიო თასზე ვარ ნამყოფი და ეს 100 მეტრიანი სპრინტი არ არის. აუცილებელი არ არის ფანტასტიური სტარტი გქონდეს, საჭიროა იყო სტაბილური და მუდმივად დახვეწისკენ ისწრაფოდე. ეს კი ის არის, რაც ჩვენ გვაქვს. გუნდი თავს კარგად გრძნობს, სასიამოვნოა, რომ ბონუს ქულა მოვიპოვეთ და კარგი ხასიათი შევიქმენით".