მიხეილ ალანიას ლელო პრო დ2ის ტურის საუკეთესო ლელოდ დასახელდა VIDEO

პრო დ2-ის ოფიციალურმა იუთუბ გვერდმა გათამაშების მეოთხე ტურის ხუთი საუკეთესო ლელო გამოავლინა. ტურის საუკეთესო ლელოდ საქართველოს 20-წლამდელთა ნაკრების ცხრა ნომრის მიხეილ ალანიას ლელო დასახელდა, რომელიც "მონტობანს" დაუდო და საკუთარ გუნდს გამარჯვება გაუფორმა (20:11).

ალანიას "ორიაკის" ძირითად გუნდში დებიუტი ჰქონდა. ის მინდორზე 52-ე წუთზე გამოჩნდა და 77-ე წუთზე საკუთარი გუნდის მიერ 22-მეტრიანიდან წამოწყებული იერიში ჩინებული ლელოთი დააგვირგვინა. ალანია თანაგუნდელებს მიჰყვა, რომელსაც ბურთი ფულბექმა თომას ვინსენმა ამოუგდო, შემდეგ კი ახალგაზრდა ქართველმა 40 მეტრი გაირბინა და საკუთარი გუნდის რიგებიდან ერთადერთი ლელო დადო.

[type="video" id="1031"]

ასევე იხილეთ - დებიუტი, ლელო და სიმბოლური - მიხეილ ალანიას შესანიშნავი დასაწყისი