კრუსეიდერსის მოულოდნელი მარცხი სუპერ რაგბი აოტეაროაში (VIDEO)

სუპერ რაგბი აოტეაროას მეექვსე რაუნდის მატჩში "კრუსეიდერსი" კრაისტჩერჩში "ჰაილენდერსს" დაუხვდა და მოულოდნელად, უშანსო მარცხი განიცადა.

სტუმრებმა უპირატესობა თავიდანვე მოიპოვეს და ტაიმს 16-ქულიანი სხვაობით იგებდნენ, თუმცა "ჯვაროსნებმა" გაწითლებულ დროში ლელო მაინც დადეს და ტაიმი 7:16 დასრულდეს. მოლოდინი იყო, რომ სკოტ რობერტსონის შეგირდები ტრადიციულად მეორე ტაიმისთვის მოუმატებდნენ, მაგრამ პირიქით მოხდა: "ჰაილენდერსმა" უპირატესობა გაზარდა, რაც კოლინსის და გარდენ-ბოშოპის ლელოებში აისახა, რომლებიც ჰანტმა გარდასახა და ჯარიმაც გაიტანა, მასპინძელთაგან კი ერთი ლელოს დადება დევიდ ჰავილიმ მოახერხა - 12:33.

ამრიგად, "კრუსეიდერსმა" მიმდინარე სუპერ რაგბი აოტეაროაში პირველი მარცხი განიცადა, თუმცა 18 ქულით მაინც პირველ ადგილზეა და "ბლუზსს" 8 ქულით უსწრებს, რომელსაც ერთი მატჩით ნაკლები აქვს ჩატარებული. "ჰაილენდერსი" კი 9 ქულით მესამე პოზიციას იკავებს. 

შეგახსენებთ, რომ "კრუსეიდერსი" 2020 წლის სუპერ რაგბი აოტეაროას და 2017, 2018 და 2019 წლების სუპერ რაგბის გამარჯვებულია.