როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
ახალი ზელანდიის ნაკრები რაგბი ჩემპიონშიპის პირველ ტურში "ედენ პარკზე" ავსტრალიას დაუხვდა და დიდი სხვაობით 57:22 დაამარცხა.
პირველი ტაიმი მეტ-ნაკლებად თანაბარ ბრძოლაში წარიმართა და "ოლ ბლექსმა" ექვსქულიანი სხვაობით 21:15 იმარჯვა. მასპინძელთგან ლელოები რიკო იოანიმ, ბროდი რეტალიკმა და არდი სავეამ გაიტანეს, გარდასახვები კი რიჩი მო'უნგამ შეასრულა ზუსტად. "ვოლაბების" მხრიდან თავის გამოჩენა ენდრიუ კელავეიმ და ტეიტ მაკდერმოტმა მოახერხეს. თითო გარდასახვა და ჯარიმა ნოა ლოლესიომ შეასრულა ზუსტად.
მეორე ნახევარში ახალზელანდიელთა უპირატესობა მკვეთრად გაიზარდა და მოწინააღმდეგეს ხუთი ლელო გაუტანეს, თავად კი ერთი მიიღეს. მეორე ტაიმის დასაწყისში "ოლ ბლექსს" არდი სავეა გაუსინბინეს, მაგრამ ამის მიუხედავად ამ 10 წუთში ქულები მასპინძლებმა მოიპოვეს - 46-ე წუთზე ლელო კოდი ტეილორმა გაიტანა, რომელიც მო'უნგამ გარდასახა, ხოლო 52-ე წუთზე დამიან მაკქენზიმ საკუთარი ნახევრიდან ჯარიმა შეასრულა ზუსტად. დარჩენილ დროში ლელოების გატანა სევუ რისიმ, კოდი ტეილორმა, ვილ ჯორდანმა და დევიდ ჰავილიმ შეძლეს, სტუმართა რიგებიდან კი დუბლი კელავეიმ გაიფორმა.
ეს მატჩი ამავდროულად ბლედისლოუს თასის მეორე შეხვედრაც იყო და "ოლ ბლექსმა" ტიტული მესამე მატჩამდე გაინაღდა. აღსანიშნავია, რომ ახალმა ზელანდიამ აღნიშნული თასის მოგება ზედიზედ მეცხრამეტედ მოახერხა - უკანასკნელად ავსტრალიამ ბლედისლოუს თასი 2002 წელს მოიგო.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.