იტალიური ბენეტონი პრო 14-ის ცისარტყელას ფინალში გავიდა და სამხრეთაფრიკულ გუნდს შეერკინება

იტალიური ბენეტონი პრო 14-ის ცისარტყელას ფინალში გავიდა და სამხრეთაფრიკულ გუნდს შეერკინება

იტალიურმა საკლუბო რაგბმა ისტორიულ წარმატებას მიაღწია - "ბენეტონი" პრო 14-ის ცისარტყელას თასის ფინალში ითამაშებს.

ტრევიზოში დაფუძნებულ ფრენჩაიზს მიმდინარე ტურნირზე ოთხიდან ოთხი მატჩი ჰქონდა მოგებული და გადამწყვეტი მატჩი უელსურ "ოსპრისთან" ჰქონდა სათამაშო, რომელსაც უნდა გადაეწყვიტა, "ბენეტონი" გავიდოდა პირველ ადგილზე, თუ "გლაზგო უორიორსი", მაგრამ უელსელთა რიგებში კორონავირუსის დადებითი შემთხვევები გამოვლინდა, რის გამოც მატჩი გაუქმდა, იტალიელებს გამარჯვება ჩაეთვალათ და შესაბამისად, ტურნირის ევროპული კონფერენცია პირველ ადგილზე დაასრულეს, რაც იმას ნიშნავს, რომ ისინი აფრიკული კონფერენციის გამარჯვებულს ფინალში შეერკინებიან.

ფინალური მატჩი 19 ივნისს ტრევიზოში გაიმართება, სადაც "ბენეტონი" სამხრეთ აფრიკის კონფერენციის ლიდერს დაუხვდება, რომელიც 12 ივნისს "ბულზსა" და "შარქსს" შორის გამოვლინდება.

კომენტარის დასამატებლად საჭიროა ავტორიზაცია

კომენტარები 0

26-წლიანი პაუზის შემდეგ, ქუთაისის აია საქართველოს ჩემპიონია!
ზურაბ ჟვანია და მიხეილ ნარიაშვილი ლიონის რადარზე?
წინათქმა, დიდი 10-ის ფინალი: აია VS ბათუმი
ფრანგული პრესა: ლუკა ჭელიძე ტულონს დატოვებს და კარიერას ბაიონში განაგრძობს