პრო 14-ის ისტორიაში მეორე ქალი არბიტრი იმსაჯებს

პრო 14-ის ისტორიაში მეორე ქალი არბიტრი იმსაჯებს

28 წლის ჰოლი დევიდსონი გახდება მეორე ქალი არბიტრი, რომელიც პრო 14-ში იმსაჯებს. 

შოტლანდიელი ქალბატონი პრო 14-ის რეგულარული ჩემპიონატის ბოლო ტურის მატჩს განსჯის, რომელშიც ერთმანეთს ირლანდიური "მანსტერი" და იტალიური "ბენეტონი" დაუპირისპირდებიან.

"ბოლო წლების განმავლობაში ჩვენი ელიტური მსაჯების გზა მნიშვნელოვნად გაუმჯობესდა ჩვენი პროფკავშირების ერთობლივი ძალისხმევის წყალობით და ძალიან სასიამოვნოა, რომ ჰოლი დევიდსონმა მოიპოვა იმის უფლება, რომ პარასკევს პრო 14-ში დებიუტი ჰქონდეს", - განაცხადა პრო 14-ის ელიტური მსაჯების მენეჯერმა გრეგ გარდნერმა. 

ცნობისთვის, დევიდსონს 16 იანვარს ჩელენჯ თასზე უნდა ჰქონოდა დებიუტი, სადაც ერთმანეთის წინააღმდეგ ინგლისურ "ნიუკასლ ფალკონსს" და ფრანგულ "კასტრის" უნდა ეთამაშათ. მატჩი ეპიდემიოლოგიური ვითარების გართულების გამო აღარ შედგა და შესაბამისად, ახალგაზრდა მსაჯის ევროთასებზე დებიუტი გადაიდო, თუმცა რამდენიმე კვირის შემდეგ, მას უკვე პრო 14-ში უწევს დებიუტი. მას ასევე უმსაჯია 7-კაცა მსოფლიო თასზე, ქალთა 6 ერზე, 7-ქალას მსოფლიო სერიებზე, რაგბი ევროპაზე და სხვა ტურნირებზე. 

გეტყვით, რომ დევიდსონამდე პრო 14-ში ქალბატონებიდან ირლანდიელმა ჯოი ნევილმა იმსაჯა, რომელიც პარასკევს პრო 14-ის შოტლანდიელ დებიუტანტ დაეხმარება და მატჩის ვიდეორეფერი იქნება.

კომენტარის დასამატებლად საჭიროა ავტორიზაცია

კომენტარები 0

ანგულემი პრო დ2-დან გავარდა, ორიაკმა დრამატულად იმარჯვა და დარჩენისკენ უდიდესი ნაბიჯი გადადგა
იტალიის ნაცვლად, კუნძულელები? - ოლ ბლექსის მოწინააღმდეგე, შესაძლოა, შეიცვალოს
უორენ გეთლენდი: "ეს ჩემი კარიერის განმავლობაში ერთ-ერთი ყველაზე მძიმე გადაწყვეტილება იყო"
დიდი 10 | დისციპლინისა და ხარისხის ამაღლების მიზნით რეგულაციები გამკაცრდება