როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
ინგლისის ნაკრების მთავარმა მწვრთნელმა ედი ჯონსმა 6 ერის პირველი ტურის მატჩისთვის 28 მორაგბეს უხმო.
"წითელი ვარდების" განაცხადში სამი დებიუტანტია: "ბრისტოლ ბეარსის" 23 წლის ცხრა ნომერი ჰარი რენდელი, "უოსპსის" 23 წლის შუამარბი/ფრთა პაოლო ოდოგვუ და "ბასის" 26 წლის ბურჯი ბენო ობანო. აღსანიშნავია, რომ ოდოგვუ, რომელიც ინგლისშია დაბადებული და 18 და 20 წლამდელთა ნაკრებებში აქვს ნათამაშები, წარმომავლობა ნიგერიიდან და იტალიიდან აქვს და მისი საკუთარ ნაკრებში ხილვა სწორედ იტალიელებს სურდათ, რაზეც ბოლო პერიოდში ხშირი საუბარი მიმდინარეობდა ბრიტანულ და იტალიურ პრესაში, თუმცა ედი ჯონსმა პაოლოს გამოძახება გადაწყვიტა, 23 წლის მორაგბე კი ამ შეთავაზებას დათანხმდა და იტალიის ნაკრებზე სპეკულაციას წერტილი დაუსვა. ცნობისთვის, ოდოგვუს მიმდინარე პრემიერშიპში ყველაზე მეტჯერ აქვს ხაზი გაჭრილი (12-ჯერ) და ყველაზე მეტი მეტრი აქვს მოგებული (367).
ინგლისელებს ტრავმის შემდეგ უბრუნდებათ ამ მომენტისთვის ყველაზე გამოცდილი მორკინალი ქორთნი ლოუსი, რომლის ანგარიშზეც 85 სანაკრებო კეპია. "წითელ ვარდებს" მოახლოებულ 6 ერზე კვლავ ოუენ ფარელი უკაპიტნებს.
6 ერის პირველ ტურში ინგლისი "თვიქნემზე" შოტლანდიას უმასპინძლებს. მატჩი 6 თებერვალს თბილისის დროით 20:45 საათზე დაიწყება.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.