როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
საქართველოს ნაკრების გამოცდილი უკანახაზელი ლაშა მალაღურაძე დიდ 10-ში ითამაშებს.
34 წლის მორაგბე მშობლიურ "ყოჩებს" დაუბრუნდა და მისი დებიუტი დღეს ქუთაისის "აიას" წინააღმდეგ უნდა შემდგარიყო. ლაშა თავდაპირველად "ყოჩების" ძირითად შემადგენლობაში იმყოფებოდა, თუმცა მატჩის დაწყებამდე, სავარაუდოდ, მცირე ტრავმა მიიღო, რის გამოც დღევანდელ მატჩში არ უთამაშია, მაგრამ "ყოჩების" სამატჩო სტაფში მაინც იმყოფებოდა, მოთამაშეებისთვის წყალი სწორედ მას შეჰქონდა მინდორზე და მწვრთნელების დავალებებსაც გადასცემდა.
მალაღურაძე "ყოჩებში" 2008 წლამდე ასპარეზობდა, შემდეგ კი გეზი საფრანგეთისკენ აიღო, სადაც "ბეზიეში" (2008-2011), "რონაში" (2011-2012) და "ბანერეში" (2012-2016) თამაშობდა, ხოლო 2016 წლიდან რუსეთს მიაშურა და "კრასნი იარში" ჩაირიცხა, სადაც 2019 წლამდე ასპარეზობდა, 2020 წლის რუსეთის რეგულარული ჩემპიონატის კი "ვვა-პადმასკოვიეს" რიგებში გაატარა.
ლაშას საქართველოს ნაკრების კვართით 99-ჯერ უთამაშია და ერთი კეპი აკლია, რათა "ბორჯღალოსნების" მეოთხე ცენტურიონი გახდეს. მას ნაკრებში 5 ლელო და 198 ქულა აქვს გატანილი. უთამაშია 2011, 2015 და 2019 წლების მსოფლიო თასებზე.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.