სხვა - Myrugby.ge - რაგბი საქართველო

🏉 1vs1 რაგბის მსოფლიო სერია – თბილისი 2025

ramazi — Fri, 17 Oct 2025 03:14:51 +0400

სისწრაფე, ძალა და სტრატეგია – მხოლოდ ერთი გახდება გამარჯვებული! ⚡

2025 წელს თბილისი მასპინძლობს უნიკალურ საერთაშორისო ღონისძიებას —
1vs1 რაგბის მსოფლიო სერიის საკვალიფიკაციო ტურნირებს,
სადაც საქართველოს საუკეთესო მოთამაშეები შეხვდებიან მსოფლიოს წარმომადგენლებს, რათა დაამტკიცონ თავიანთი უნარები ერთ-ერთ ყველაზე დინამიკურ და სანახაობრივ ფორმატში.

🌍 1vs1 რაგბი – ახალი ფორმატი, ახალი ენერგია

1vs1 რაგბი არის ინოვაციური ფორმატი, სადაც ორი მოთამაშე ერთმანეთს ეჯიბრება ერთ-ერთზე – სისწრაფეში, ტაქტიკაში, ფიზიკურ გამძლეობასა და გონებრივ სიმტკიცეში.
თამაში ტარდება ნამდვილი ბალახის მინდორზე, რაც მოითხოვს მაქსიმალურ სიზუსტეს, სისწრაფეს და სტრატეგიულ აზროვნებას.

თითოეული მატჩი მოკლეა, ინტენსიური და დამუხტული ემოციით —
სწორედ ამიტომ 1vs1 რაგბი იქცა ახალ სპორტულ გამოწვევად და შოუ-ფორმატად, რომელიც უკვე იპყრობს მსოფლიოს სპორტული მედიის ყურადღებას.

🏆 კაცთა ტურნირი – 2 ნოემბერი, 2025

🔥 დროა დაამტკიცო შენი სიძლიერე და მოიპოვო მსოფლიო ფინალის ბილეთი!

📍 ადგილმდებარეობა: სტადიონი “ლოკომოტივი”, თბილისი
🗓 თარიღი: 2025 წლის 2 ნოემბერი
🕑 დაწყება: 14:00

კაცთა ტურნირი იქნება ძალის, სისწრაფისა და ტაქტიკის ნამდვილი გამოცდა.
მოთამაშეებს ელით საერთაშორისო მასშტაბის კონკურენცია,
სადაც გამარჯვებული მოიპოვებს ბილეთს მსოფლიო ფინალზე და მთავარ ჯილდოს – თორის ჩაქუჩს 🪓!

Pitbull West Coast წარმოადგენს ტურნირის მთავარ სპონსორს და გამარჯვებულებს სთავაზობს განსაკუთრებულ პრიზებს.

🎯 პრიზები:
🥇 I ადგილი – 500$ + ბილეთი ფინალზე + საჩუქრები
🥈 II ადგილი – 300$ + საჩუქრები
🥉 III ადგილი – 200$ + საჩუქრები

⚡ Only ONE Will WIN! ⚡

💪 ქალთა ტურნირი – 1 ნოემბერი, 2025

✨ მსოფლიოს ერთ-ერთი ყველაზე ამაღელვებელი ტურნირი ქალებისთვის იწყება თბილისიდან!

📍 ადგილმდებარეობა: სტადიონი “ლოკომოტივი”, თბილისი
🗓 თარიღი: 2025 წლის 1 ნოემბერი
🕑 დაწყება: 14:00

ქალთა ტურნირი წარმოადგენს შანსს, აჩვენო შენი ძალა, სისწრაფე და ხასიათი მსოფლიო სცენაზე.
1vs1 ფორმატი აქცევს თითოეულ მატჩს ნამდვილ ბრძოლად,
სადაც ერთი შეცდომა ან ერთი ბრწყინვალე მოძრაობა წყვეტს ყველაფერს.

მთავარი მიზანი?
ფინალის ბილეთი 2026 წლის მსოფლიო ჩემპიონატზე! 🏆

📲 როგორ დარეგისტრირდე

👉 რეგისტრაცია ღიაა ყველასთვის, ვისაც სურს გამოცადოს საკუთარი შესაძლებლობები საერთაშორისო მასშტაბის ტურნირში.

📱 დარეგისტრირდი და მოგვყევი:

Facebook: 1vs1Rugby
Instagram: @1vs1Rugby

🎯 რატომ უნდა მიიღო მონაწილეობა

🌍 საერთაშორისო აღიარება — შანსი წარმოადგინო საქართველო მსოფლიო სერიაში
🏉 უნიკალური გამოცდილება — 1vs1 ფორმატი განსხვავდება ტრადიციული რაგბისგან
🏆 რეალური პრიზები და ფინალზე გასვლის შესაძლებლობა
🤝 ახალი სპორტული კავშირები და საერთაშორისო ურთიერთობები

⚡ დასკვნა

1vs1 რაგბის მსოფლიო სერია თბილისიდან იწყება!
ეს არის შანსი სპორტსმენებისთვის, ვისაც სჯერა საკუთარი ძალის,
ვისაც სურს გამორჩეს და გახდეს მსოფლიო სცენის ნაწილი.

💥 გამოდი მოედანზე. იბრძოლე. აჩვენე შენი სული.
🏆 Only ONE Will WIN!

🏖️ პირველი ქვიშის თაჩ-რაგბის ტურნირი დასავლეთ საქართველოში – „ზაფხულის თამაშები 2025“

ramazi — Sun, 28 Sep 2025 04:55:17 +0400

31 აგვისტოს ფოთში გაიმართა ქვიშის თაჩ რაგბის ტურნირი ფოთის მუნიციპალიტეტისა და თაჩ რაგბი ჯორჯიას ორგანიზებით. მონაწილეობა მიიღო რეგიონის 8 გუნდმა რომეელიც დაკომპლეექტებული იყო როგორც ახალგაზრდა ისე გამოცდილი მოთამაშეებით .
ფორმატი: 5v5, ორი ტაიმი 5-5 წუთი
სარბენი მოედანი: 50 მ x 30 მ, ქვიშის საფარი (პირველად რეგიონში)
წესები: შეხებაზე, დაცვითი 3 მეტრიანი უკუსვლა; დარღვევის შემთხვევაში მოთამაშე დროებით მოედნიდან ეთიშებოდა, სანამ მისი გუნდი ბურთის კონტროლს არ დაიბრუნებდა

🌟 ღონისძიების მთავარი მომენტები

მალთაყვის სანაპიროზე გამართული პირველი ქვიშის თაჩ-რაგბის ტურნირი უდიდეს წარმატებად იქცა და მნიშვნელოვანი ეტაპი გახდა რეგიონში რაგბის განვითარებისთვის.

ღონისძიებამ ერთ სივრცეში დააკავშირა ახალგაზრდები და ეროვნული ნაკრების მოთამაშეები, ვეტერანები და საზოგადოებრივი გუნდები. საქართველოს რაგბის ლეგენდა ზურაბ ჟვანია (ყოფილი ეროვნული ნაკრების და Stade Français-ის მოთამაშე) ტურნირში მოთამაშედ ჩაერთო, ხოლო ყოფილი საერთაშორისო მოთამაშე ანზორ სიჭინავა თამაშებს არბიტრად ხელმძღვანელობდა.

როგორც მოთამაშეებისთვის ასევე ორგანიზაცია Touch Rugby Georgia-სთვის ეს პირველი გამოცდილება იყო მაგრამ შეჯიბრი საკმაოდ კონკურენტუნარიანი და საინტერესო გამოდგა.

🏆 ტურნირის შედეგები

ჯგუფური ეტაპი:
(რადგან გუნდები ახლა 8 არიან, ჯგუფები შეიძლება დაყოფილი იყოს 2 ჯგუფად, 4-4)

ჯგუფი A:

ბარბაროსები 5–1 კოლხები
ოქროს ბიჭები 2–2 ვინიპუჰი და მისი მეგობრები
ბარბაროსები – კოლხი მეომრები 3–0 (ტექნიკური)
ოქროს ბიჭები 4–2 სოხუმი

ჯგუფი B:

კოლხი მეომრები 11–1 კოლხები
სოხუმი 2–4 ვინიპუჰი და მისი მეგობრები
სხვა ორი მატჩი დაამატეთ საჭიროების მიხედვით

1/4 ფინალი:

ბარბაროსები 3–1 სოხუმი
კოლხები 2–6 ვინიპუჰი და მისი მეგობრები
ოქროს ბიჭები 2–3 კოლხი მეომრები
დამატებითი მატჩი შესაბამისი გუნდებისთვის

1/2 ფინალი:

ოქროს ბიჭები 1–4 ბარბაროსები
კოლხი მეომრები 4–2 ვინიპუჰი და მისი მეგობრები

მესამე ადგილის მატჩი:

ოქროს ბიჭები 4–7 ვინიპუჰი და მისი მეგობრები

ფინალი:

ბარბაროსები 3–2 კოლხი მეომრები

საბოლოო სარგებელი:

🥇 1 ადგილი – ბარბაროსები
🥈 2 ადგილი – კოლხი მეომრები
🥉 3 ადგილი – ვინიპუჰი და მისი მეგობრები

🌊 ქვიშის თაჩ-რაგბის მნიშვნელობა

ქვიშის თაჩ-რაგბი არის დინამიური, სწრაფი და უსაფრთხო სპორტი, რომელიც იდეალურია სხვადასხვა ასაკის მოთამაშეების ერთობლივი თამაშისთვის. ტურნირმა მალთაყვის სანაპიროზე აჩვენა, რომ ეს სპორტი არა მხოლოდ შეჯიბრებითი, არამედ საზოგადოებრივი და გუნდური ურთიერთობების ჩამოყალიბების ხელსაყრელი საშუალებაც შეიძლება იყოს. რაც ქვეეყნის მაშტაბით, რაგბის მასობრივ გავრცელებაში თავის წვლილს შეეიტანს.

ტურნირში ჩართული იყვნენ თაჩ რაგბი საქართველოს დამფუძნებლები და სპორტული განვითარეების მენეჯერები ლეევან ობოლაძე და რამაზ ხარაზიშვილი, მათი განცხადებით ეს ტურნირი მხოლოდ პირველი ნაბიჯი იყო. უკვე დაგეგმილია მომავალი ტურნირები სრულ რაგბის მოედანზე რომელიც უფრო მაშტაბური იქნება.

ღონისძიებამ კიდევ ერთხელ აჩვენა, რომ რაგბის სული ასაკსა და გამოცდილებას არ იცნობს. ახალგაზრდები და ვეტერანები ერთად გრძნობდნენ თამაშის სიხარულს, ქმნიდნენ მყარ გუნდურობას და დგამდნენ საფუძველს მომავალ წარმატებებისთვის.

Rugby World Georgia - საქართველოში გამოვა

ika — Thu, 11 Nov 2021 21:41:06 +0400

საქართველოს რაგბის კავშირსა და ბრიტანულ მედია-გიგანტ Future plc-ს შორის ურთიერთთანამშრომლობის ხელშეკრულება გაფორმდა.

ინგლისი რაგბის სამშობლოა. აქ გაგორდა პირველად ოვალური ბურთი. ეს ქვეყანა მსოფლიოს ლიდერთა შორისაა პოლიტიკური, კულტურული და საზოგადოებრივი ცხოვრების სხვადასხვა სფეროში. ლონდონი მსოფლიოს ფინანსური დედაქალაქიცაა. ამიტომ, ცხადია, საქართველოს რაგბის კავშირისთვის, ამ ქვეყანასთან სხვადასხვა მიმართულებით თანამშრომლობა პრიორიტეტულია.

ასევე დიდი პატივია ისეთი დონის გიგანტ კომპანიასთან თანამშრომლობა, როგორიც Future plc-ია. საქართველოს რაგბის კავშირი, რაგბის ჟურნალისტთა ლიგა და კომპანია „ფიუჩერ ჯორჯია“ ჟურნალ Rugby World GEORGIA-ს გამოცემას იწყებს.

Rugby World – მსოფლიოს გლობალური, წამყვანი სარაგბო ჟურნალია, რომელიც ბრიტანული გიგანტი მედია-კომპანიის, Future plc შემადგენელი ნაწილია. Future plc 1985 წელს დაარსდა და სხვადასხვა სფეროს 150-ზე მეტ ჟურნალს და ვებ-გამოცემას აერთიანებს (იხ.: https://www.futureplc.com).

ჟურნალისტთა ლიგა სპორტულმა ჟურნალისტებმა – თემურ ჯაფარიძემ, ზაალ გიგინეიშვილმა, ბესიკ ჯანგავაძემ, ზურა ქსოვრელმა და ლუკა ჭოჭუამ დააფუძნეს. ამ ადამიანების ღვაწლი საქართველოში რაგბის პოპულარიზაციის საქმეში შეუფასებელია. ისინი დღესაც რაგბის სამსახურში არიან.
მათ მიერ დაფუძნებული ორგანზაცია, ფიუჩერ ჯორჯიასთან – რომლის დირექტორიც დავით სამსონაძეა და საქართველოს რაგბის კავშირთან ერთად გამოსცემენ ჟურნალს, რომელიც რაგბის გულშემატკივარს ქართული და საერთაშორისო რაგბის შესახებ, მიმდინარე და ანალიტიკურ სტატიებს ქართულ და ინგლისურ ენებზე შესთავაზებს.

მაღალ პოლიგრაფიულ დონეზე შესრულებული, დაახლოებით 100 გვერდიანი გამოცემა კვარტალში ერთხელ გამოვა. მის ბეჭდვას, ასევე საქართველოსა და მის ფარგლებს გარეთ გავრცელებას მედია ჰოლდინგი „პალიტრა“ უზრუნველყოფს. აღსანიშნავია, რომ ასევე შეიქმნება Rugby World GEORGIA-ს ციფრული გამოცემები.

ხელშეკრულებას თანამშრომლობის შესახებ ხელს საქართველოს რაგბის კავშირის პრეზიდენტმა იოსებ ტყემალაძემ და Future plc-ის საერთაშორისო ურთიერთობების მიმართულების ხელმძღვანელმა ბრენდონ ბესტერმა „თბილისი მერიოტში“ მოაწერეს.

„ინგლისი რაგბის სამშობლოა, სადაც ამ თამაშის რაობა ყველაზე კარგად ესმით და საქართველოს რაგბის კავშირისთვის ამ ქვეყანასთან სხვადასხვა მიმართულებით თანამშრომლობა ერთობ საშური საქმეა. Future plc-ი მსოფლიო დონის ბრენდია. შესაბამისად, ამ კომპანიასთან თანამშრომლობა დიდი პატივი და, ამასთან ერთად, პასუხისმგებლობაცაა“.

„ინგლისთან თანამშრომლობა შემთხვევით არ აგვირჩევია. ამ ქვეყანასთან ჩვენ ბევრი საერთო გვაქვს: რამდენჯერმე მიგვიწვიეს ერთობლივ ვარჯიშებზე; ბოლო წლებში საქართველოს ერთ-ერთ ყველაზე წარმატებულ კლუბს ‘ლელო-სარასენსი’ ქვია. ჩვენ ლელო ბურთის ისტორია გვაქვს და მოხარული ვარ, რომ ერთიანი ნაბიჯების გადადგმას ვიწყებთ“.

„თემურ ჯაფარიძე, ზაალ გიგინეიშვილი, ბესიკ ჯანგავაძე, ზურა ქსოვრელი და ლუკა ჭოჭუა ის ადამიანები არიან, რომლებზეც დგას ქართული რაგბი და მათი ჟურნალისტური გამოცდილება მთელს მსოფლიოს წაადგება. რაგბის კავშირი ღიაა, რათა წარმატებებთან ერთად, მოხდეს პრობლემების გაშუქება“.
„დარწმუნებული ვარ, რომ საქართველოში გამოცემული ორენოვანი ჟურნალი მნიშვნელოვნად გაზრდის როგორც საქართველოში არსებულ სარაგბო აუდიტორიას და დააკმაყოფილებს მათ წყურვილს, ასევე ითამაშებს მნიშვნელოვან როლს საერთაშორისო ასპარეზზე – ქართული სპორტის, კულტურის და ბიზნესის პოპულარიზაციაში. რამეთუ ეს სივრცე ატარებს როგორც საინფორმაციო საგანმანათლებლო დატვირთვას, ასევე საუკეთესო საშუალებაა წარმატებული ბიზნესის შესახებ ინფორმაციის მიზნობრივ ჯგუფებამდე მისატანად“ – თქვა რაგბის კავშირის პრეზიდენტმა იოსებ ტყემალაძემ.

„დიდი მადლობა „ფიუჩერ ჯორჯიას“, რაგბის ჟურნალისტთა ლიგას და რაგბის კავშირს ამ შესაძლებლობისთვის. ჩემთვის დიდი პატივია ვიყო თქვენი სტუმარი და შევხვდე ქართული რაგბის ოჯახს“ – ქართულ მხარეს მიესალმა ბრენდონ ბესტერი.

ოფიციალური მხარის დასრულების შემდეგ, ტყემალაძემ ბესტერს სამახსოვროდ ქართული სპორტის „ოქროს წიგნი“ გადასცა. ღონისძიებას ესწრებოდა ქართული რაგბის ერთ-ერთი ფუძემდებელი გივი მრელაშვილი, რომელმაც სტუმარს ასევე სამახსოვრო საჩუქარი გადასცა.

შეხვედრაზე იყვნენ საქართველოში ბრიტანეთის ელჩის მოადგილე ქალბატონი კლერ ოლბლესი, რაგბის კავშირის ყოფილი პრეზიდენტი გია ნიჟარაძე, გამგეობის წევრები და ვეტერანი ბორჯღალოსნები.

„დიდი მადლობა მინდა გადავუხადო მედია ჰოლდინგ „პალიტრას“, რომელიც წლებია წარმატებით თანამშრომლობს საქართველოს რაგბის კავშირთან. ეს თანამშრომლობა კიდევ უფრი ღრმავდება და ახალ ეტაპზე გადავდივართ. ერთად მოხდება Rugby World GEORGIA-ს გამოცემა, უზრუნველყოფს უმაღლესი ხარისხით ბეჭდვას და გავრცელებას როგორც ქვეყნის შიგნით, ასევე მის ფარგლებს. რომ არა ეს მხარდაჭერა ძალიან გაგვიჭირდებოდა ამ წამოწყების განხორციელება“ – განაცხადა რაგბის კავშირის ვიცე-პრეზიდენტმა ნიკოლოზ ალავიძემ.

„მოხარული ვარ რომ ასეთ თანამშრომლობას ჩაეყარა საფუძველი. ქართულ რაგბს მთელი მსოფლიო გაიცნობს, რაც მნიშვნელოვანია“ – თქვა კლერ ოლბლესმა.

სარაგბო ჟურნალის გამოცემას რაგბის პოპულარიზაციისთვის უმნიშვნელოვანესად მიიჩნევს ვეტერანი ბორჯღალოსანი გია ლაბაძე:

„როგორც ჩვენ, ასევე ჩვენი წინამორბედი და შემდგომი თაობები სწორედ იმისკენ მივისწრაფოდით, რომ მსოფლიო რაგბში დაგვემკვიდრებინა ადგილი და ეს ერთ-ერთი დიდი ნაბიჯია ამ მიმართულებით. იმისათვის, რომ პროგრესი გქონდეს, აუცილებელია გაშუქება იყოს შესაბამისი. ამას მოსდევს პოპულარიზაცია, რაც შემდგომში ჯანსაღი ცხოვრების წესის საწინდარია.

შემოდგომის ტესტების მატჩებს ქართულ არხზე ვიხილავთ

ika — Fri, 29 Oct 2021 23:49:08 +0400

შემოდგომის ტესტების მატჩები "რაგბი ტვ"-ის ეთერში გავა. ამის შესახებ ინფორმაციას, საქართველოს რაგბის კავშირის ოფიციალური ვებგვერდი ავრცელებს.

"რაგბის კავშირის და რაგბი TV/Rugby TV-ის სუპერ საჩუქარი ჩვენი თამაშის გულშემატკივრებისთვის.

უყურე Autumn Nations Series-ს 30 ოქტომბრიდან 21 ნოემბრამდე საქართველოში მხოლოდ რაგბი TV/Rugby TV-ზე.

Silknet - სილქნეტი-ის მომხმარებლებიც შეძლებთ" - წერია რაგბის კავშირის განცხადებაში.

ოფიციალურად: ენისეის და შავი ლომის შეხვედრა გადაიდო

ika — Fri, 29 Oct 2021 22:00:49 +0400

"ენისეის" და "შავი ლომს" შორის გასამართი ხვალინდელი დაპირისპირება, დაუდგენელი დროით გადაიდო. აღნიშნულ ინფორმაციას "რაგბი ევროპის" ოფიციალური ვებგვერდი ავრცელებს.

შეხვედრის გადადების მიზეზი ის გახლავთ, რომ რუსეთის ხელისუფლების მიერ ეპიდემიოლოგიურ ვითარებასთან დაკავშირებული შეზღუდვების გამო, "შავმა ლომმა" სოჭში დროულად ჩასვლა ვერ შეძლო, სადაც მატჩი 30 ოქტომბერს 13 საათზე უნდა დაწყებულიყო. შესაბამისად, "რაგბი ევროპამ" მატჩის გადადების გადაწყვეტილება მიიღო.

ჯერჯერობით უცნობია, თუ როდის გაიმართება აღნიშნული შეხვედრა.

მამუკა გორგოძე: "ვიძლევი გარანტიას, რომ არავინ დაიჩაგრება"

ika — Mon, 25 Oct 2021 20:07:10 +0400

ქართული რაგბის ლეგენდა მამუკა გორგოძე, რაგბის კავშირის ახალ გამგეობაში მუშაობას შეუდგა. იოსებ ტყემალაძის თხოვნით, ის კავშირსა და ბორჯღალოსნებს შორის ერთგვარი მეკავშირე იქნება, თუმცა სხვა საკითხების განხილვაშიც აქტიურად იქნება ჩართული.

„ჩემი გამგეობაში შესვლით დიდი მოლოდინი გაჩნდა, თითქოს ქართული რაგბის განვითარებაში დიდ წვლილს შევიტან. მინდა ავღნიშნო, რომ არ ვერთვები კავშირის მუშაობაში და მხოლოდ ჩემი კომპეტენციის ფარგლებში ვიმოქმედებ. თუ რამეს მკითხავენ, ჩემს აზრს დავაფიქსირებ, ასევე ჩავერთვები ყველა იმ საკითხის განხილვაში, რომელიც გამგეობაში შემოვა. ვიძლევი გარანტიას, რომ სულ რომ წასვლა მომიწიოს, არავინ დაიჩაგრება. გამგეობის ყველა წევრი გახსნილია, ჩვენთან დაკავშირება არაა რთული და მოვუსმენთ ნებისმიერ დაინტერესებულ მხარეს. თუ რომელიმე საკითხი გამგეობაზე ვერ მოხვდება, ან დამახინჯებულად იქნება წარმოდგენილი, პირობას ვდებ, რომ პირადად მოვუსმენ ნებისმიერ ადამიანს და ეს საკითხები დადგება გამგეობაზე“ – ამბობს გორგოძე.

37 წლის ვეტერანმა ბორჯღალოსანმა 2003-2019 წლებში ნაკრების კვართით 75 თამაში ჩაატარა და ყველაზე მეტი, 27 ლელო გაიტანა. მისი თქმით, უმნიშვნელოვანესია რომ ნაკრებსა და კავშირს შორის სწორი კომუნიკაცია შედგეს, არ გაიცეს შეუსრულებელი დაპირებები და არ გაჩნდეს არარეალური მოლოდინები:

„ნაკრებსა და კავშირს შორის უნდა იყოს სწორი კომუნიკაცია, მე კი მაქსიმალურად დავიცავ როგორც ნაკრების, ასევე კავშირის ინტერესებს და ვიქნები მხოლოდ სიმართლის მხარეს. კავშირის მხრიდან არ უნდა გაიცეს ისეთი დაპირებები, რომლებიც წლების განმავლობაში ვერ შესრულდება. ნაკრებმა უნდა მოითხოვოს იმდენი, რისი საშუალებაც კავშირს ექნება და კავშირიც უნდა დათანახმდეს მხოლოდ იმ თანხის გაღებას, რისი გადახდის საშუალებაც ექნება. წინააღმდეგ შემთხვევაში მოთამაშეები სულ იქნებიან მოლოდინში, ხოლო კავშირი დაპირების შესასრულებელი თანხის მოძიებაში, რაც არც გუნდს წაადგება და არც კავშირს“.

გორგოძე ფიქრობს, რომ ნაკრების სამომავლო წარმატებისთვის უმნიშვნელოვანესია ბავშვთა რაგბის განვითარება:

„ქართული რაგბის მომავლისთვის მნიშვნელოვანია ბავშვთა რაგბის განვითარება. ნაკრები ამ ყველაფრის მწვერვალი, ქვეყნის სახეა, მაგრამ მისი წინსვლისთვის აუცილებელია კონკურენციის გაზრდა და შესაბამისად, ბავშვთა რაგბის განვითარება. ეს დღეს და ხვალ შედეგს არ მოგვცემს, თუმცა სამომავლოდ აუცილებლად იქნება წარმატების მომტანი. ამდენი წელი გავატარე ნაკრებში და სულ იყო პრობლემა – ხან მეორე ხაზი არ გვყავდა, ხან მესამე და ასე შემდეგ. აუცილებელია, რომ ყველა პოზიციაზე გვყავდეს 3-4 ძლიერი მოთამაშე და როდესაც ყველა რგოლში იქნება კონკურენცია, მერე საჭიროა ძლიერი სპეციალისტი, რომელიც წარმატებამდე მიგვიყვანს. ახლა კი ისეთ ეტაპზე ვართ, რომ რეიტინგში წინსვლა ვერ გვექნება. უნდა ვიზრუნოთ თამაშის ხარისხის გაუმჯობესებაზე და დაველოდოთ მომენტს, რის შემდეგაც წინსვლა აუცილებლად გვექნება“.

მამუკა გორგოძის აზრით, ასევე მნიშვნელოვანია შიდა ჩემპიონატში თამაშის ტემპის და ხარისხის აწევა. ის მოთამაშეებს თხოვნით მიმართა, რომ პატივი სცენ მსაჯებს:

„მიუხედავად იმისა, რომ კარიერის განმავლობაში არადისციპლინირებულ მოთამაშედ ვითვლებოდი, მსაჯებთან არასდროს მქონია კონფლიქტი. რა თქმა უნდა მათ მოსდით შეცდომები, მაგრამ ვცდებით მოთამაშეებიც – ხან ბურთი წინ დაგვივარდება, ხან კომბინაცია დაგვავიწყდება. მსაჯების მდგომარეობას ისიც ართულებს, რომ ტრიბუნიდან შეძახილების ფონზე, დამატებით წნეხში არიან და ამ დროს ყველა მოთამაშე სათითაოდ თუ კითხავს რამეს, ამით სიტუაცია კიდევ უფრო მძიმდება“.

„მოთამაშეებს მოვუწოდებ, რომ რაც არ უნდა მძიმე შეცდომა დაუშვან მსაჯებმა, კამათის ნაცვლად სწრაფად დაბრუნდნენ თავის პოზიციაზე და გაარძელონ თამაში. მე არ მახსოვს მსაჯს მიღებული გადაწყვეტილება შეეცვალოს და კამათს აზრი არ აქვს, მატჩის სწრაფად განახლებით კი ტემპიც აიწევს და გაღიზიანების დონეც შემცირდება. მსაჯების მიმართ შეურაცხყოფის ფაქტებზე, სადისციპლინო კომისიამ უნდა მიიღოს მაქსიმალურად მკაცრი სასჯელი და ის აუცილებლად უნდა აღსრულდეს“.

„მეორეს მხრივ, მსაჯობა რთული პროფესიაა და ისინი ყოველდღიურად უნდა ზრუნავდნენ განვითარებაზე. ასევე აუცილებელია არსებობდეს ზემდგომი ორგანო, რომელიც შეაფასებს მსაჯების მუშაობას და შეცდომებზე პასუხს აგებინებს. მორაგბეები ტონობით ოფლს ღვრიან და მსაჯის შეცდომით ისინი, ან მათი გუნდი არ უნდა დაიჩაგროს“.

Rugby.Ge

შავმა ლომმა რუსეთში ბონუსით იმარჯვა

ika — Sat, 23 Oct 2021 21:34:03 +0400

"შავმა ლომმა" დღეს რაგბი ევროპის სუპერ თასზე მეორე შეხვედრა ჩაატარა და პირველის მსგავსად, ამჯერადაც ბონუსით იმარჯვა.

პირველმა ქართულმა ფრენჩაიზმა პენზაში რუსეთის მოქმედი ვიცე-ჩემპიონი დაჯაბნა და დამაჯერებელი გამარჯვება გაიფორმა. პირველ ნახევარში მასპინძლებმა ორი ჯარიმა გაიტანეს, რასაც ქართველებმა სამი ლელოთი და ერთი ზუსტი ჯარიმით უპასუხეს - ლელოები შალვა მამუკაშვილმა, დავით გიგაურმა და გიორგი ბაბუნაშვილმა დადეს. ამ უკანასკნელმა ასევე ორი გარდასახვა და ჯარიმა გაიტანა. ტაიმი 6:22 დასრულდა. მეორე ნახევარში კი გუნდებმა თითო ლელო მიითვალეს. ჯერ მასპინძლებმა შეძლეს სხვაობის შემცირება, მატჩის მიწურულს კი ბონუსის მომტანი ლელო გოგა ხუროშვილმა მიითვალა - 11:27.

"ლოკომოტივის" ძირითად შემადგენლობაში იყვნენ გიორგი ჭყოიძე, ტარიელ დონაძე, ილია სპანდერაშვილი და ნიკოლოზ ცირეკიძე, ხოლო რევაზ ბროძელი თამაშში შეცვლიდან ჩაერთო.

მომდევნო მატჩში "შავი ლომი" 30 ოქტომბერს სოჭში "ენისეის" შეერკინება.

ლევან მაისაშვილი: "ლოკომოტივს ის უპირატესობა აქვს, რომ შეთამაშებული გუნდია"

ika — Thu, 21 Oct 2021 22:29:50 +0400

23 ოქტომბერს 13:30 საათზე "შავი ლომი" რაგბი ევროპის სუპერ თასზე მეორე შეხვედრას გამართავს. პირველი ქართული ფრენჩაიზი პენზაში ადგილობრივ "ლოკომოტივს" შეერკინება.

"შავი ლომის" პენზაში გამგზავრებამდე მცირე კომენტარი გააკეთა ლევან მაისაშვილმა, რომელმაც მოსამზადებელ პროცესზე და მომდევნო მატჩზე ისაუბრა.

"გვქონდა მცირე ტრავმები, რომლებსაც რეაბილიტაცია ჭირდებოდა. გარდა ამისა, რამდენიმე მოთამაშეს ფაიზერის ბუსტერით აცრა უწევდა, რადგან საფრანგეთში სხვა მხრივ არ შეუშვებენ. შედეგად, რამდენიმე დღე მათაც ვერ ივარჯიშეს და სრული შემადგენლობა დღეს შევიკრიბეთ. მიუხედავად ამისა, ნორმალურად ვართ მომზადებული და ვიტოვებთ იმედს, რომ პირველი თამაშის შემდეგ ხარისხი უკეთესი იქნება. ჩვენი მიზანიც სწორედ ესაა, რომ თამაშიდან თამაშამდე განვვითარდეთ, დავხვეწოთ დეტალები და მოთამაშეებს საერთაშორისო გამოცდილება მივცეთ.

სამწუხაროდ დიდი ხნით გამოგვაკლდა სოსო მათიაშვილი. მან ჯვარედინი დაიზიანა და საოპერაციოა. ჯერ არ დაბრუნებულან მანამდე ტრავმირებული მოთამაშეები. მათგან ერთ ან ორ მორაგბეს ‘ენისეისთან’ მატჩის წინ ველით.

თელავივის გუნდი ინდივიდუალურად უფრო მაღალი დონის მოთამაშეებით იყო დაკომპლექტებული, თუმცა ‘ლოკომოტივს’ ის უპირატესობა აქვს, რომ შეთამაშებული გუნდია. მათ მაღალი, ჯანიანი ბიჭები ყავთ და სოლიდურად გამოიყურებიან დერეფანში, შეჯახებებში. ‘ლოკომოტივში’ რამდენიმე ქართველი თამაშობს, რომლებიც თავიანთ პოზიციებზე კარგად გამოიყურებიან", - ციტირებს ლევან მაისაშვილის სიტყვებს რაგბის კავშირის ოფიციალური ვებგვერდი.

სოსო მათიაშვილს მინიმუმ ნახევარი წელი გაუცდება

ika — Thu, 21 Oct 2021 22:13:21 +0400

საქართველოს ნაკრების და "შავი ლომის" ფულბექი სოსო მათიაშვილი, თამაშს მინიმუმ ნახევარი წლის განმავლობაში ვერ შეძლებს.

მათიაშვილმა დაზიანება "შავი ლომის" სადებიუტო მატჩში მიიღო, რომელშიც ქართულმა ფრენჩაიზმა "თელ-ავივ ჰითი" დამაჯერებლად 33:10 დაამარცხა. როგორც გაირკვა, მათიაშვილმა მუხლის ჯვარედინი მყესები დაიზიანა და საოპერაციოა. მსგავსი ტრავმის სარეაბილიტაციო პროცესს კი დაახლოებით 6-9 თვემდე სჭირდება.

"სამწუხაროდ დიდი ხნით გამოგვაკლდა სოსო მათიაშვილი. მან ჯვარედინი დაიზიანა და საოპერაციოა. ჯერ არ დაბრუნებულან მანამდე ტრავმირებული მოთამაშეები. მათგან ერთ ან ორ მორაგბეს ‘ენისეისთან’ მატჩის წინ ველით", - განაცხადა საქართველოს ნაკრების და "შავი ლომის" მთავარმა მწვრთნელმა ლევან მაისაშვილმა.

შავი ლომი | დანიშნულების ადგილი პენზა

ika — Thu, 21 Oct 2021 21:32:10 +0400

პირველი ქართული პროფესიული ფრენჩაიზი ‘შავი ლომი’ პირველი გასვლითი მატჩისთვის „შევარდენის“ სანაკრებო ბაზაზე მოემზადა.

რაგბის კავშირის ოფიციალური ვებგვერდის ცნობით, გუნდი პენზაში (რუსეთი) დღეს გაფრინდა და ‘ლოკომოტივს’ 23 ოქტომბერს, საქართველოს დროით 13:30 საათზე ეთამაშება.

მეტოქემ სექტემბერში ‘ენისეისთან’ ორი მატჩი გამართა და ორივე ბონუსით დათმო – 6:22 კრასნოიარსკში და 21:44 პენზაში. ‘შავმა ლომმა’ პირველი ტურის გადადებულ მატჩში ‘თელავივი ჰითს’ 16 ოქტომბერს, „ავჭალაზე“ უმასპინძლა და ბონუსით, 33:10 დაამარცხა. შედეგად, ის 5 ქულით მეორე ადგილზეა, ‘ენისეის’ ქულათა მაქსიმუმი აქვს, ‘ჰითი’ და ‘ლოკომოტივი’ კი უქულოდ არიან.

‘შავი ლომი’ ‘პენზასთან’ მატჩის შემდეგ შინ დაბრუნდება და 30 ოქტომბერს სოჭში, ‘ენისეისთან’ გასამართი შეხვედრისთვის მოემზადება. მანამდე, 23 ოქტომბერს, ‘ენისეი’ ‘თელავივ ჰითს’ მოსკოვში მასპინძლობს.