ქალთა რაგბი - Myrugby.ge - რაგბი საქართველო

🏉 1vs1 რაგბის მსოფლიო სერია – თბილისი 2025

ramazi — Fri, 17 Oct 2025 03:14:51 +0400

სისწრაფე, ძალა და სტრატეგია – მხოლოდ ერთი გახდება გამარჯვებული! ⚡

2025 წელს თბილისი მასპინძლობს უნიკალურ საერთაშორისო ღონისძიებას —
1vs1 რაგბის მსოფლიო სერიის საკვალიფიკაციო ტურნირებს,
სადაც საქართველოს საუკეთესო მოთამაშეები შეხვდებიან მსოფლიოს წარმომადგენლებს, რათა დაამტკიცონ თავიანთი უნარები ერთ-ერთ ყველაზე დინამიკურ და სანახაობრივ ფორმატში.

🌍 1vs1 რაგბი – ახალი ფორმატი, ახალი ენერგია

1vs1 რაგბი არის ინოვაციური ფორმატი, სადაც ორი მოთამაშე ერთმანეთს ეჯიბრება ერთ-ერთზე – სისწრაფეში, ტაქტიკაში, ფიზიკურ გამძლეობასა და გონებრივ სიმტკიცეში.
თამაში ტარდება ნამდვილი ბალახის მინდორზე, რაც მოითხოვს მაქსიმალურ სიზუსტეს, სისწრაფეს და სტრატეგიულ აზროვნებას.

თითოეული მატჩი მოკლეა, ინტენსიური და დამუხტული ემოციით —
სწორედ ამიტომ 1vs1 რაგბი იქცა ახალ სპორტულ გამოწვევად და შოუ-ფორმატად, რომელიც უკვე იპყრობს მსოფლიოს სპორტული მედიის ყურადღებას.

🏆 კაცთა ტურნირი – 2 ნოემბერი, 2025

🔥 დროა დაამტკიცო შენი სიძლიერე და მოიპოვო მსოფლიო ფინალის ბილეთი!

📍 ადგილმდებარეობა: სტადიონი “ლოკომოტივი”, თბილისი
🗓 თარიღი: 2025 წლის 2 ნოემბერი
🕑 დაწყება: 14:00

კაცთა ტურნირი იქნება ძალის, სისწრაფისა და ტაქტიკის ნამდვილი გამოცდა.
მოთამაშეებს ელით საერთაშორისო მასშტაბის კონკურენცია,
სადაც გამარჯვებული მოიპოვებს ბილეთს მსოფლიო ფინალზე და მთავარ ჯილდოს – თორის ჩაქუჩს 🪓!

Pitbull West Coast წარმოადგენს ტურნირის მთავარ სპონსორს და გამარჯვებულებს სთავაზობს განსაკუთრებულ პრიზებს.

🎯 პრიზები:
🥇 I ადგილი – 500$ + ბილეთი ფინალზე + საჩუქრები
🥈 II ადგილი – 300$ + საჩუქრები
🥉 III ადგილი – 200$ + საჩუქრები

⚡ Only ONE Will WIN! ⚡

💪 ქალთა ტურნირი – 1 ნოემბერი, 2025

✨ მსოფლიოს ერთ-ერთი ყველაზე ამაღელვებელი ტურნირი ქალებისთვის იწყება თბილისიდან!

📍 ადგილმდებარეობა: სტადიონი “ლოკომოტივი”, თბილისი
🗓 თარიღი: 2025 წლის 1 ნოემბერი
🕑 დაწყება: 14:00

ქალთა ტურნირი წარმოადგენს შანსს, აჩვენო შენი ძალა, სისწრაფე და ხასიათი მსოფლიო სცენაზე.
1vs1 ფორმატი აქცევს თითოეულ მატჩს ნამდვილ ბრძოლად,
სადაც ერთი შეცდომა ან ერთი ბრწყინვალე მოძრაობა წყვეტს ყველაფერს.

მთავარი მიზანი?
ფინალის ბილეთი 2026 წლის მსოფლიო ჩემპიონატზე! 🏆

📲 როგორ დარეგისტრირდე

👉 რეგისტრაცია ღიაა ყველასთვის, ვისაც სურს გამოცადოს საკუთარი შესაძლებლობები საერთაშორისო მასშტაბის ტურნირში.

📱 დარეგისტრირდი და მოგვყევი:

Facebook: 1vs1Rugby
Instagram: @1vs1Rugby

🎯 რატომ უნდა მიიღო მონაწილეობა

🌍 საერთაშორისო აღიარება — შანსი წარმოადგინო საქართველო მსოფლიო სერიაში
🏉 უნიკალური გამოცდილება — 1vs1 ფორმატი განსხვავდება ტრადიციული რაგბისგან
🏆 რეალური პრიზები და ფინალზე გასვლის შესაძლებლობა
🤝 ახალი სპორტული კავშირები და საერთაშორისო ურთიერთობები

⚡ დასკვნა

1vs1 რაგბის მსოფლიო სერია თბილისიდან იწყება!
ეს არის შანსი სპორტსმენებისთვის, ვისაც სჯერა საკუთარი ძალის,
ვისაც სურს გამორჩეს და გახდეს მსოფლიო სცენის ნაწილი.

💥 გამოდი მოედანზე. იბრძოლე. აჩვენე შენი სული.
🏆 Only ONE Will WIN!

VIDEO: საქართველოს 7-ქალა ნაკრებმა მოლდოვა დამაჯერებლად დაამარცხა

ika — Sat, 19 Jun 2021 21:59:38 +0400

© Robert Pljuscec

ევროპის 7-ქალა რაგბის ალაფის ზაგრების სერიის ჯგუფური ეტაპის დასკვნით მატჩში საქართველოს 7-ქალა ნაკრებმა მოლდოვა 24:10 დაამარცხა.

ქართველმა გოგონებმა ტაიმი 17:0 მოიგეს, ხოლო მეორე ნახევარში მოლდოველებმა სხვაობა ოდნავ შეამცირეს.

ჯაბა მალაღურაძის შეგირდებმა პირველი შეხვედრა შვედეთან 5:10 წააგეს, შემდეგ კი უკრაინასთან 0:38 დამარცხდნენ.

საქართველოს 7-ქალა ნაკრები ხვალ მეოთხედფინალურ მატჩში ფინეთს თბილისის დროით 13:36 საათზე შეხვდება.

საქართველოს 7-ქალა ნაკრები უკრაინასთან დიდი სხვაობით დამარცხდა

ika — Sat, 19 Jun 2021 16:02:52 +0400

ევროპის 7-ქალა რაგბის ალაფის ზაგრების სერიის მეორე ტურში საქართველოს ნაკრები უკრაინასთან უშანსოდ 0:38 დამარცხდა.

პირველ ტაიმში უკრაინამ 26-ქულიანი სხვაობით იმარჯვა, ხოლო მეორე ნახევარში კიდევ ორი ლელოს გატანა მოახერხა.

საქართველოს 7-ქალა ნაკრებმა პირველი შეხვედრა შვედეთან 5:10 წააგო, ხოლო ჯგუფური ეტაპის დასკვნით მატჩში 17:30 საათზე მოლდოვას შეხვდება.

VIDEO: საქართველოს 7-ქალა ნაკრებმა ზაგრების ტურნირი შვედეთთან მარცხით დაიწყო

ika — Sat, 19 Jun 2021 13:28:43 +0400

ევროპის 7-ქალა რაგბის ალაფის ზაგრების სერია საქართველოს ნაკრებმა შვედეთთან მარცხით დაიწყო.

პირველ ნახევარში შვედებმა ორი ლელო გაიტანეს და შესვენებაზე 10-ქულიანი უპირატესობით გავიდნენ, ხოლო მეორე ნახევარში უპირატესობა ქართველ გოგონებს ჰქონდა და ერთი ლელო მარიამ გოგუაძემ გაქვითა. ჯაბა მალაღურაძის შეგირდებმა დარჩენილ დროში მეორე ლელოს გატანაც სცადეს, თუმცა შვედებმა თავი კარგად დაიცვეს და მატჩი 5:10 დასრულდა.

საქართველოს 7-ქალა ნაკრები მომდევნო მატჩს 15 საათზე უკრაინის წინააღმდეგ გამართავს, ხოლო 17:30 საათზე მოლდოვას შეხვდება.

მაკრონი საქართველოს რაგბის კავშირის სპონსორი გახდა

ika — Mon, 14 Jun 2021 19:45:51 +0400

სპორტული ეკიპირების წამყვანი იტალიური მწარმოებელი მაკრონი (MACRON) საქართველოს რაგბის კავშირის სპონსორი გახდა.

5-წლიანი ხელშეკრულების თანახმად, მაკრონი საქართველოს რაგბის კავშირს ყოველწლიურად უფასოდ მიაწვდის სრულ სანაკრებო ეკიპირებას (ღირებულება300 ათას ევროს შეადგენს) და ტექნიკურ საშუალებებს ეროვნული, ასაკობრივი, 7-კაცა და 7-ქალა ნაკრებებისთვის და პირველი ქართული ფრანჩაიზისთვის. აღსანიშნავია, რომ მსგავსი პირობები რაგბის კავშირს აქამდე არასდროს ქონია.

შეთანხმებას ხელი რაგბის კავშირის ვიცე-პრეზიდენტმა ბაჩო ხურციძემ და მაკრონის სპორტული მარკეტინგის მენეჯრემა მიკელე ბეჩიუმ მოაწერეს.

„მაკრონი ყველაზე მზარდი და ხარისხიანი კომპანიაა სპორტულ ბაზარზე და მათთან უმნიშვნელოვანეს შეთანხმებას ვაფორმებთ. მაკრონის ეკიპირება ექვსი ერის სამ გუნდს – უელსის, შოტლანდიის და იტალიის ნაკრებს აცვია, ასევე კანადას, რუმინეთს, პორტუგალიას და გერმანიას“.

„ის, რომ მაკრონი დაგვიკავშირდა და ასეთი შეთავაზება გაგვიკეთა, ქართული რაგბის მნიშვნელობასა და როლზე მეტყველებს. გარდა ამისა, აღსანიშნავია მაკრონის ეკიპირების ხარისხი და ის, რომ კომპანიას ყველა ქვეყანასთან ინდივიდუალური მიდგომა აქვს. დიზაინზე უკვე მიდის მუშაობა, რომელიც ყოველ წელს განახლებადი იქნება. ხელშეკრულება 5-წლიანია, რაც სტაბილურობის გარანტიას იძლევა“ – განაცხადა ბაჩო ხურციძემ.

პირველი ქართული გუნდი, რომელიც ამ შეთანხმების თანახმად მაკრონის მიერ წარმოებული ეკიპირებით ითამაშებს, პირველი ქართული ფრანჩაიზი იქნება, რომელიც ევროტურნირებში სექტემბრიდან ჩაერთვება. ხურციძის თქმით, თუ რომელიმე ქართულ კლუბს მოუნდება ამ კომპანიის ეკიპირების შეძენა, მას დღეს გაფორმებული ხელშეკრულების თანახმად 60%-იანი ფასდაკლება ექნება, ხოლო მერჩენდაიზის ფასდაკლება 65% იქნება. აღსანიშნავია, რომ მაკრონის ეკიპირებით უკვე ორი წელია ქუთაისის ‘აია’ თამაშობს, რომელიც 26-წლიანი შესვენების შემდეგ, წელს საქართველოს ჩემპიონი გახდა.

მიკელე ბეჩიუ: „წლების განმავლობაში გვსურდა საქართველოს რაგბის კავშირთან ჩვენი დაკავშირება და მოხარულები ვართ, რომ შეთანხმება შედგა. ურთიერთობის დაწყების პირველივე დღიდან ცხადი გახდა, რომ მაკრონისა და ქართული რაგბის კავშირი იდეალური იქნებოდა. საქართველოს ნაკრები მსოფლიოს მასშტაბით ერთ-ერთი ყველაზე მზარდი და ძლიერი ნაკრებია და ჩვენთვის დიდი პატივია მასთან სპონსორული შეთანხმების გაფორმება“.

„საქართველოზე ჩვენი ცენტრალური ოფისი, „მაკრონ-ბოლონია“ იმუშავებს. პარტნიორობის ფარგლებში სპეციალურად ქართულ რაგბზე მორგებულ ეკიპირებას და ინდივიდუალურ პროდუქციას შევქმნით. მიმაჩნია, რომ სასპონსორო ხელშეკრულებაში სერვისი და ურთიერთობა უმნიშვნელოვანესი ნაწილია. ჩვენი დიზაინერები და რაგბის კავშირი ერთობლივად ვმუშაობთ სათამაშო ეკიპირების შექმნაზე და ყურადღება ექცევა ყველა დეტალს, რათა საქართველოს ყველა ნაკრების სათამაშო ეკიპირება იყოს სხვა ქვეყნებისგან განსხვავებული, ინსივიდუალური და ექსკლუზიური. ვფიქრობთ, რომ ეს ხელს შეუწყობს საქართველოს რაგბის კავშირს, როგორც ბრენდის, კიდევ უფრო მეტად განვითარებას“.

„შეთანხმება ითვალისწინებს სპეციალურად ქართველი გულშემატკივრებისთვის პროდუქციის დამზადებას 65%-იანი ფასდაკლებით. ასევე გვსურს, რომ ვიყოთ წარმოდგენილი ადგილობრივ კლუბებთან, რომლებისთვისაც იმოქმედებს 60%-იანი ფასდაკლება. დარწმუნებული ვარ, რომ მაკრონი და საქართველოს ნაკრები ერთად მიაღწევენ დიდ გამარჯვებებს“.

Rugby.Ge

ევროპის ჩემპიონატზე საქართველოს 7-კაცა და 7-ქალა ნაკრებების განრიგი ცნობილია

ika — Wed, 12 May 2021 20:53:37 +0400

"რაგბი ევროპამ" რაგბი 7-ის ევროპის ჩემპიონატის და ქვედა დივიზიონების განრიგი გამოაქვეყნა, რომელშიც საქართველოს 7-კაცა და 7-ქალა ნაკრებები მიიღებენ მონაწილეობას.

7-კაცა ნაკრები უმაღლეს დივიზიონში იასპარეზებს. იქიდან გამომდინარე, რომ წელს ტოკიოში ოლიმპიადა იმართება, ევროპის ჩემპიონატზე საფრანგეთის, ირლანდიის და დიდი ბრიტანეთის ნაკრებები არ ითამაშებენ.

რაგბი 7, რომელსაც პანდემიის დაწყების შემდეგ "რაგბი ევროპა" პირველად ჩაატარებს, შეცვლილი სტრუქტურით გაიმართება. ის იქნება 15-კაცა ტურნირების მსგავსი მოდელის, რომელსაც "რაგბი ევროპა" ატარებს. უმაღლეს დივიზიონს ევროპის ჩემპიონატი ერქმევა, მის შემდგომს ალაფა, ხოლო შემდგომ იქნება საკონფერენციო დივიზიონები.

ევროპის ჩემპიონატის პირველი ეტაპი 5-6 ივნისს ლისაბონში გაიმართება, ხოლო მეორე ეტაპი რუსეთში ჩატარდება - 25-26 ივნისს ქალთა ტურნირი გაიმართება, ხოლო 26-27 ივნისს კაცთა შეჯიბრებაა ჩანიშნული.

ევროპის 7-კაცა ჩემპიონატის ჯგუფები ასე გამოიყურება:

A ჯგუფი: გერმანია, პორტუგალია, საქართველო, ლიეტუა;
B ჯგუფი: ესპანეთი, იტალია, რუსეთი, პოლონეთი;

ევროპის 7-ქალა ჩემპიონატის ჯგუფები ასე გამოიყურება:

A ჯგუფი: რუსეთი, გერმანია, რუმინეთი;
B ჯგუფი: პოლონეთი, ბელგია, უელსი;
C ჯგუფი: შოტლანდია, ესპანეთი, პორტუგალია;

საქართველოს 7-ქალა ნაკრები მონაწილეობას ალაფაზე მიიღებს. როგორც კაცთა, ასევე ქალთა ალაფის პირველი ეტაპი 19-20 ივნისს ხორვატიის დედაქალაქ ზაგრებში გაიმართება, ხოლო მეორე ეტაპი უნგრეთის დედაქალაქ ბუდაპეშტში ჩატარდება - 7-ქალას გათამაშება 9-10 ივლისს შედგება, ხოლო კაცთა ტურნირი 10-11 ივლისს გაიმართება.

ევროპის 7-კაცა ალაფის ჯგუფები ასე გამოიყურება:

A ჯგუფი: რუმინეთი, შვედეთი, ისრაელი, თურქეთი;
B ჯგუფი: უკრაინა, ჩეხეთი, ლუქსემბურგი, უნგრეთი;
C ჯგუფი: ბელგია, ხორვატია, დანია, ლატვია;

ევროპის 7-ქალა ალაფის ჯგუფები ასე გამოიყურება:

A ჯგუფი: უკრაინა, შვედეთი, ნორვეგია, უნგრეთი, მოლდოვა;
B ჯგუფი: ჩეხეთი, ფინეთი, საქართველო, უნგრეთი, დანია;